"Өнүгүү — Прогресс" БШКны сотко берет

Жазылуу
11-январда Бишкек шаарынын мэрлигине шайлоо болуп, анда Албек Ибраимов кайтадан мэр болгон. Талапкер катары "Өнүгүү — Прогресс" фракциясынын Нурдин Абдылдаев дагы көрсөтүлгөн болчу.

БИШКЕК, 20-дек. — Sputnik. Бишкек шаарынын мэрлигине талапкер Нурдин Абдылдаевдин мэр шайлоо боюнча протоколдорду жокко чыгаруу боюнча арызын канааттандырбоо жөнүндө БШКнын чечими сотто каралат. Бул тууралуу "Өнүгүү — Прогресс" фракциясынын катчылыгы билдирди.

Белгилей кетсек, 11-январда Бишкек шаарынын мэрлигине шайлоо болуп, анда Албек Ибраимов кайтадан мэр болуп шайланган. Талапкер катары "Өнүгүү — Прогресс" фракциясынын Нурдин Абдылдаев дагы көрсөтүлгөн болчу.

"Бизде мэрди шайлоо регламент талап кылгандай, Бишкек шаар кеңешинин сессиясы убагында өтпөгөнү боюнча тиешелүү документтер жана видеоматериалдар бар. Ошондой эле биз жети добуш берүү бюллетенинен ашыкча белгилерди таптык", — деп айтылат маалыматта.

Ошондой эле "Борбор калаанын статусу жөнүндө", "Жергиликтүү өзүн-өзү башкаруу жөнүндө" мыйзамдары жана ошондой эле шаар кеңешинин регламенти бузулганы боюнча тиешелүү материалдарды БШКга жиберишкен. Бирок БШК эч кандай чара колдонгон эмес.

"Тилекке каршы, БШК буга көз жуумп, шайлоодо эч кандай мыйзам бузуулар болгон эмес деген негизсиз чечим чыгарды", — деп фракциянын катчылыгынан билдиришти.

Андан сырткары, Албек Ибраимовдун тарапташтары уюштурган митингди добуш берүүчүлөрдүн эркине басым жасоо катары сыпаттоо керектиги маалыматта баса белгиленген.

Жаңылыктар түрмөгү
0