Биринчи Май районунун прокурор орун басары иштен алынды

© Sputnik / Владимир Федоренко / Медиабанкка өтүүПленарное заседание Госдумы РФ
Пленарное заседание Госдумы РФ - Sputnik Кыргызстан
Жазылуу
Айрым маалымат каражаттары өз булагына таянып кызматынан алынган прокурор Кара-Балтадагы базарда үлүшү жана шайлоого байланыштуу ызы-чууга тиешеси бар экенин жазып чыгышты.

БИШКЕК, 17-дек. — Sputnik. Бишкектин Биринчи Май районунун прокурор орун басары Талант Сегизбаев кызматынан бошотулганын Sputnik Кыргызстан агенттигине Башкы прокуратура билдирди.

Жумуштан алынышынын себептери азырынча айтыла элек. K-News агенттиги өз булагына таянып, кызматынан алынган прокурор Кара-Балтадагы базардын энчилеши экенин, шайлоого байланыштуу ызы-чууга тиешеси бар экенин жазып чыккан. 

Состоялась церемония открытия нового здания Генеральной прокуратуры - Sputnik Кыргызстан
Башкы прокуратура: депутаттыкка талапкерлердин үстүнөн арыздар түштү
Кечээ аталган базардын соодагерлери жетекчиси тарабынан шайлоо укуктары бузулганын айтып, Башкы прокуратурага арыз менен кайрылгандыгы маалымдалган.

Соодагерлердин айтымында, базарком ар бир сатуучудан өзүнүн уулу жана кызы талапкер болгон партияга добуш бере турган ондон кем эмес адам таап келүүсүн талап кылган. Андай болбой турган болсо ижара акысын эки эсе көтөрүп, же таптакыр эле алып аларын билдирген. 11-декабрда болгон шайлоодон өзүнө керектүү жыйынтык ала албаган соң директор ижара акысын айрым сатуучуларга эки эсе көтөрүп салган.

Мурдараак бул кырдаалдын арты менен райондун прокурору кызматтан алынып, ал эми облус прокуроруна сөгүш жарыяланган. Башкы прокуратура менен катар ИИМ дагы кызматтык иликтөө жүргүзүп, Мырзакановду өз аймагындагы болуп жаткан кырдаал боюнча ыкчам чара көрбөгөндүгү үчүн ээлеген кызматынан бошотту. Чүй облустук милиция жетекчиси Канат Жумагазиев дагы кол алдындагыларга карата тиешелүү көзөмөлдүн жоктугу үчүн сөгүш алды.

Жаңылыктар түрмөгү
0