Атамбаев Москва мэри Собянинге жооп айтты

© Sputnik / Алексей Дружинин / Медиабанкка өтүүМосква шаарынын мэри Сергей Собяниндин архивдик сүрөтү
Москва шаарынын мэри Сергей Собяниндин архивдик сүрөтү - Sputnik Кыргызстан
Жазылуу
Мамлекет башчы эгерде кыргызстандык жаран Россияда мыйзамсыз иштеп жүрсө, ошол иш берген адамдан сураш керек экенин баса белгиледи.

БИШКЕК, 1-дек. — Sputnik. Кыргыз мигранттары Москва мэринен өздөрү туурасында мындай сөз угабыз деп күткөн эмес деп президент Алмазбек Атамбаев маалымат жыйын учурунда билдирди. 

"Улуу Ата Мекендик согуштун жылдарында Кыргызстанга жүз миңдеген адамдарды алып келгенде, биз тараптан эч ким ыңгайсыздык туурасында ооз ачкан да эмес. Боордош эл кыйналып турганда, менимче, башкача мамиле жасоо керек го деп ойлойм. 1916-жылы өлкөнүн түндүгүнүн жарымы кыйрап калса, 1941-жылы биздикилер Советтер Союзу үчүн согушка аттанган", — деди президент. 

Мамлекет башчы эгерде кыргызстандык жаран Россияда мыйзамсыз иштеп жүрсө, ошол иш берген адамдан сураш керек экенин билдирип, Кыргызстан атуулунун ал жакта мыйзамдуу иштегенге укугу бар экенин белгиледи.

"Жашоодо баары болот. Балким, мэр Собянинге башка бир документтерди көрсөтүп коюшту. Негизи ал жакшы эле иштеп жаткандай", — деди Атамбаев. 

Мамлекет башчы кыргыз мигранттары — мыйзамды сыйлаган эң так мигранттар экендигин айта кетти.

Президент Алмазбек Атамбаевдин маалымат жыйынынын тексттик трансляциясын Sputnik Кыргызстан агенттиги даярдаган материалдан окуңуз.

Жаңылыктар түрмөгү
0