10:24 18 Аяк оона 2019
Түз эфир
  • USD69.7942
  • EUR76.9027
  • RUB1.0885
Чек ара кызматкери. Архив

Кыргызстан Өзбекстан менен чек арадагы 7 талаш тилке боюнча бир пикирге келди

© Пресс-служба президента КР / Султан Досалиев
Саясат
Кыскача шилтеме алуу
57710

Эки өлкөнүн комиссияларынын жолугушуусунда 14 талаш тилке иликтенди. Анын жети аймагы боюнча позициялар макулдашылды. 13-ноябрга карата эки тарап бир пикирге келген тилкелердин саны 56га жетти.

БИШКЕК, 14-ноя. — Sputnik. Кыргызстан менен Өзбекстандын өкмөттүк комиссиялары ушу тапта мамлекеттик чек арадагы 56 тилке боюнча позицияларды макулдашты.

8-13-ноябрда өкмөттөр аралык чек ара тилкелерин делимитация жана демаркациялоо боюнча атайын топтордун жолугушуусу болуп өттү. 

Өзбекстандын тышкы саясат боюнча ведомствосунун маалыматына караганда, талаш жараткан 14 чек ара тилкесинде топографиялык сүрөткө түшүрүү жана иликтөө иштери Өзбекстандын Анжиян, Наманган жана Фергана облустары менен Кыргызстандын Баткен, Жалал-Абад жана Ош облустарында жүргүзүлгөн. 

"Жумушчу топ жети талаштуу аймак боюнча макулдашууга келди. Эми 13-ноябрга карата эки тараптын позициялары туура келген тилкелердин саны 56га жетти", — деп айтылат маалыматта. 

Эки тараптуу жолугушуулардын натыйжасында тийиштүү протоколго кол коюлуп, топографиялык иликтөөлөрдү жүргүзүүнүн графиги түзүлгөн. Кыргызстан менен Өзбекстандын чек арасынын узундугу 1378 чакырымды түзөт, анын 324 чакырымы тактала элек. 

Сентябрь-октябрь айларында Өзбекстандын ТИМи делимитация жана демаркация боюнча өкмөттүк делегациялар чек арадагы талаштуу 78 тилкени иликтөөгө алышканын жарыялаган. 

Акыркы убактарда кыргыз-өзбек мамилелери жылып баратканы байкалууда. 1-октябрда Кыргызстандын делегациясы Өзбекстандын Анжиян облусуна барып эки тараптуу мамилелерди чыңдоого багытталган иш-чарага катышкан. Ал эми 26-октябрда өзбек делегациясы Ош шаарына келип конок болуп кетишкен. 

Тема боюнча

Президент Чек ара кызматы менен Коргоо комитетинин жетекчилерин алмаштырды
Өзбек ТИМи: кыргыз-өзбек чек арасынын 49 тилкеси боюнча позиция макулдашылды
Белгилер:
макулдашуу, кыргыз-өзбек чек арасы, Өзбекстан, Кыргызстан

ЭҢ МААНИЛҮҮ