Канат Исаев: бирөөнү коркутуп, колун бурай турган шашылыш кырдаал эмес

© Sputnik / Табылды КадырбековДепутат Канатбек Исаевдин архивдик сүрөт
Депутат Канатбек Исаевдин архивдик сүрөт - Sputnik Кыргызстан
Жазылуу
Эл өкүлү Канат Исаев Конституцияны өзгөртүүгө каршы чыккандардын өз пикири бар деген ойдо.

БИШКЕК, 2-ноя. — Sputnik. Бирөөнү коркутуп, колун бурай турган шашылыш кырдаал эмес. Бул тууралуу депутат Канат Исаев парламентте референдумду дайындоо жөнүндө мыйзам долбоору каралып жатканда билдирди. 

Исаев КТРК аркылуу Баш мыйзамды өзгөртүүгө каршы чыккандарды каралоо жүрүп жатканын кошумчалады. 

"Тарыхтан сабак алган жокпуз. Өзгөртүүлөргө каршы чыккандардын өз ойлору бар да. Кимисиники туура экенин тарых тастыктайт. КТКР аркылуу коркутуу, каралоо туура эмес. Бирөөнү коркутуп, колун бурап өзгөртө турган шашылыш кырдаал жаралган жок да. Андыктан Конституцияны мындай жол менен өзгөртпөшүбүз керек", — деди Исаев. 

Эскерте кетсек, буга чейин Канат Исаев "Кыргызстан" фракциясынын лидерлигин өз ыктыяры менен тапшырган.

Жаңылыктар түрмөгү
0