БИШКЕК, 21-июн — Sputnik. КСДП фракциясынан депутат болуп келген Галина Скрипкина мандатын тапшырды. Бул тууралуу аталган фракциянын сайты кабарлайт.
Маалыматка ылайык, Борбордук шайлоо комиссиясы аталган чечимди бүгүн, 21-июнь күнү карады.
"БШК Скрипкина тарабынан жазылган арыздын негизинде аны мандатынан ажыратты", — деп айтылат маалыматта.
Эске сала кетсек, Скрипкина өз ыктыяры менен арыз жазган. Анткени ал Евразиялык экономикалык биримдиктин судьясы болуп дайындалган.
