11:54 26 Баш оона 2019
Түз эфир
  • USD69.7882
  • EUR77.2311
  • RUB1.0638
КМШ өлкөлөрүнүн желектери. Архив

Пикир алмашуу аянтчасы — Сариев КМШ премьерлеринин саммити тууралуу

© Пресс-служба правительства / Сабыр Аильчиев
Саясат
Кыскача шилтеме алуу
КМШ өкмөт башчыларынын Бишкектеги саммити (22)
15610

Саясат таануучу Марс Сариев көшөгө артында КМШнын ишмердүүлүгүнө байланышпаган маселелер да каралышы мүмкүн экенин белгилейт.

БИШКЕК, 5-июн. — Sputnik. Көз карандысыз мамлекеттердин шериктештиги жөн гана формалдуулук болуп калганына карабастан КМШ өкмөт башчыларынын саммити Евразия айдыңындагы көйгөйлөрдү талкуулай турган жападан жалгыз аянтча болот. Бул тууралуу саясат таануучу Марс Сариев билдирди.

Эскерте кетсек, 6-7-июнь күндөрү Бишкекте КМШ премьер-министрлеринин жыйыны өтөт. Ага Россия, Белоруссия, Казакстан, Тажикстан, Молдованын өкмөт башчылары жана Азербайжан, Армения, Түркмөнстан, Өзбекстан премьер-министрлеринин орун басарлары, ошондой эле Украинанын элчиси, КМШ аткаруу комитетинин төрагасы катышат. 22 маселе каралып, жети документке кол коюу күтүлүүдө.

"Россия менен Украинанын мамилеси дээрлик жок, бирок Киев саммитке өзүнүн элчисин жөнөтүп жатат. Арсар турган Молдова үчүн да КМШ форматы ар кыл экономикалык жана саясий маселелерди чечип алууга шарт түзүп берет", — деди Сариев. 

Ал РФ премьер-министри Дмитрий Медведевдин келиши менен Россия Кыргызстанды стратегиялык өнөктөш катары кабылдай турганынан кабар берерин айтты.

"Албетте, бул жакшы көрүнүш. Ал эми энергетикалык багытта кызматташуу боюнча документтерге кол коюлушу ЕАЭБге кирбеген өлкөлөр үчүн КМШ форматы абдан ыңгайлуу экенин далилдеп турат", — деди эксперт.

Сариев саммиттин көшөгө артында КМШнын ишмердүүлүгүнө байланышпаган маселелерди да чечүүгө аянтча болуп берерин белгиледи. Жакында эле коңшу Казакстан ЕАЭБ өкмөт башчыларын кабыл алса, эми Карим Масимов Бишкекке келгени жатат. Мында Атамбаев Астанада козгогон маселелер талкууланышы толук мүмкүн.

Саясат таануучу сентябрда Бишкек өлкө эгемендүүлүгүнүн 25 жылдыгын өткөрө турганын, ага КМШ мамлекеттеринин бийлик башчыларынын катышуусу чоң мааниге ээ экенин кошумчалады.

"Батыш тараптан жасалып жаткан кысымдан улам КМШ ар башка багытта өнүгүп бара жаткан мамлекеттердин башын бириктирүүчү аянт болот", — деди ал.

Көз карандысыз мамлекеттердин шериктештиги (КМШ) — мурунку СССРдин курамына кирген мамлекеттердин ортосундагы мамилелерди жөнгө салуучу эл аралык уюм.

Тема:
КМШ өкмөт башчыларынын Бишкектеги саммити (22)

Тема боюнча

Атамбаев: ЕАЭБдин келечегине ага мүчө болгон бардык мамлекеттер жооптуубуз
Дмитрий Медведов КМШ өлкөлөрүнүн өкмөт башчылар жыйынына катышуу үчүн Бишкекке келет
Белгилер:
саммит, премьер-министр, КМШ, Марс Сариев

ЭҢ МААНИЛҮҮ