Минск: Белоруссия Курманбек Бакиевди Кыргызстанга бербейт

© Sputnik / Андрей Александров / Медиабанкка өтүүКурманбек Бакиев. Архив
Курманбек Бакиев. Архив - Sputnik Кыргызстан
Жазылуу
Буга чейин Бишкектин аскердик соту Курманбек Бакиев менен мамлекеттик күзөт кызматынын башчысы, бир тууган иниси Жаныш Бакиевди сыртынан соттоп, борбордук аянтта 77 адамдын атып өлтүрүлүшүнөн улам аларды өмүр бою эркинен ажыратуу өкүмүн чыгарган.

БИШКЕК, 27-май — Sputnik. Белоруссия Курманбек Бакиевди Кыргызстанга бербейт. Бул тууралуу белоруссиялык прокуратуранын айтканына таянып РИА Новости жазып чыкты.

Эскерте кетсек, кечээ ТИМдин алдындагы консулдук кызмат департаментинин директору Эркин Асангулов менен Белоруссиянын Консулдук башкармалыгынын жетекчиси Игорь Фисенко жолугуп, анда Кыргызстандын аймагында жасалган кылмышы үчүн эл аралык издөөгө алынган КР жарандарын өлкөгө кайтаруу маселеси талкууланган. 

"Курманбек Бакиев — Белоруссиянын жараны. Дүйнөлүк практикага ылайык, Белоруссия өз жарандарын башка мамлекеттерге бербейт", — деди прокуратуранын өкүлү.

Ал кыргыз тарап буга чейин да ушундай кайрылууларды жасап келгенин, алар канааттандырылбаганын белгиледи. 

Башкы прокуратура имараты. Архив - Sputnik Кыргызстан
Батыровдун үйүн Бакиевге өткөрүп бергендерге кылмыш иши козголду
Курманбек Бакиев Кыргызстандын бийлигине 2005-жылы келген. Беш жылдан кийин үй-бүлөлүк режимден улам революция болуп, кан төгүлүп, Бакиев Кыргызстанда чыгып кетүүгө мажбур болгон. Ал Белоруссиядан баш паанек тапкандан бери Кыргызстандын аталган мамлекет менен болгон мамилеси солгундап кеткен. Кыргыз тарап Белоруссияга Бакиевди кайтарып берүү боюнча бир нече ирет кайрылган. 

Буга чейин Бишкектин аскердик соту Курманбек Бакиев менен мамлекеттик күзөт кызматынын башчысы, бир тууган иниси Жаныш Бакиевди сыртынан соттоп, борбордук аянтта 77 адамдын атып өлтүрүлүшүнөн улам аларды өмүр бою эркинен ажыратуу өкүмүн чыгарган.

Жаңылыктар түрмөгү
0