Сот Нарымбаев жана Коркмазовдун иши боюнча биринчи инстанциянын өкүмүн күчүндө калтырды

© Sputnik / Табылды КадырбековЖогорку соттун имараты. Архив
Жогорку соттун имараты. Архив - Sputnik Кыргызстан
Жазылуу
Сот отурумунун жүрүшүндө мамлекеттик айыптоочу Данияр Нарымбаевди кызматынан кыянаттык менен пайдаланган деп айыптап, ал эми Коркмазовду кылмышты ачууга жардам берген деген пикирин айткан.

БИШКЕК, 24-май — Sputnik. Судья Жаңыл Мамбеталы төрайымдык кылган соттук коллегия соттолуп жаткан Данияр Нарымбаев менен Хажимурат Коркмазовду күнөөлүү деп таап, Биринчи Май райондук соттун өкүмүн күчүндө калтырды. 

Ага ылайык, Нарымбаев үч жылга, Коркмазов 1,5 жылга эркинен ажыратылды.

Нарымбаевдин адвокаты Михаил Зауман соттун чечими боюнча кийинки инстанцияга арыздана турганын билдирди.

"Өкүмгө макул эмеспиз. Кийинки инстанцияга кайрылабыз", — деди адвокат. 

Эске сала кетсек, Биринчи Май райондук соту президенттик администрациянын мурунку жетекчиси Нарынбаевди үч жылга, ал эми Коркмазовду 1,5 жылга эркинен ажыратуу өкүмүн чыгарган. Аталган чечим боюнча айыпкерлер Бишкек шаардык сотуна аппеляциялык арыз жазган.

Нарымбаев: прокурор эптеп жолун таап мени камагысы келүүдө
Июль айынын ортосунда УКМКнын коррупцияга каршы күрөшүү кызматы Коркмазовдун 100 миң доллар пара алып жаткан жеринен кармаган. Ал акчаны экс-депутат Нариман Түлеевдин туугандарынан Жогорку сотто карала турган ишин оң жакка чечүүгө жардам берем деп алганын билдирген. Башкы прокуратура Коркмазовдун 200 миң доллар талап кылганын маалымдаган. 

Экс-депутат акчаны президенттик аппараттын ошол кездеги жетекчиси Нарымбаевдин айтканы менен талап кылганы боюнча көрсөтмө берген. Июлдун аягында Нарымбаев да камакка алынган. Кармалгандар соттун чечими менен УКМКнын тергөө абагында кармалып келишкен.

Нариман Түлеев мунапыстын негизинде үcтүбүздөгү жылдын 7-май күнү абактан чыккан.

Жаңылыктар түрмөгү
0