Кыргызстан менен Тажикстандын премьерлери кызматташууга дилгир

© Пресс-служба правительства / Сабыр АильчиевПремьер-министр Сооронбай Жээнбеков тажик кесиптеши Кохир Расулзада менен Душанбе шаарында болгон жолугушуусунда
Премьер-министр Сооронбай Жээнбеков тажик кесиптеши Кохир Расулзада менен Душанбе шаарында болгон жолугушуусунда - Sputnik Кыргызстан
Жазылуу
Өкмөт башчылардын жолугушуусу Душанбе шаарында Жээнбековдун сапары алкагында өттү.

БИШКЕК, 11-май — Sputnik. Премьер-министр Сооронбай Жээнбеков тажик кесиптеши Кохир Расулзада менен Душанбе шаарында болгон жолугушуусунда Кыргызстан менен Тажикстандын мындан аркы кызматташуусуна кызыкдар экенин билдирди.

Расулзода расмий сапар менен келген Жээнбековду жылуу тосуп алып, өкмөт башчы болуп дайындалышы менен куттуктады.

Жээнбеков аткаруу бийлиги менен мыйзам чыгаруу органдарынын ушул сыяктуу жолугушуу, байланыштары Кыргызстан менен Тажикстандын мамилелерин өркүндөтөрүн белгилеп өттү.

"Кыргызстан Тажикстан менен кызматташууга кызыкдар. Мындай иш-чаралар биргелешкен пландарды ишке ашырууга өбөлгө болот", — деди Жээнбеков.

Сооронбай Жээнбековду Тажикстандан кесиптеши ардактуу кароол менен тосуп алды
Расмий сапарынын алкагында премьер-министр Пакистан жана Афганистандын өкмөт башчылары менен жолугушат. Буга чейин Жээнбековду тажик президенти Эмомали Рахмон кабыл алган. Муну менен бирге өкмөт башчы бейшемби күнү CASA-1000 энергетикалык долбоорунун курулуш аземине катышат.

CASA-1000 линиясынын узундугу 750 чакырымды түзөт. Биринчи этапта Кыргызстан менен Тажикстандын энергетикалык системаларын бириктирген "Датка — Кожент" линиясы курулат. Андан соң электр өткөрүүчү линиялар Тажикстандан Афганистанга, андан Пакистандын Пешавар шаарына кетет. Долбоорду ишке берүү 2019-2020-жылдарга белгиленген.

Жаңылыктар түрмөгү
0