11:49 14 Жетинин айы 2019
Түз эфир
  • USD69.8500
  • EUR76.8979
  • RUB1.0880
Премьер-министр Темир Сариев. Архив

Асанов: премьер Темир Сариев бүгүн билдирүү жасайт

© Пресс-служба правительства / Сабыр Аильчиев
Саясат
Кыскача шилтеме алуу
Балыкчы – Корумду жолун реконструкциялоо боюнча өткөн тендер чыры (35)
45611

Кечээ Сариев Facebook баракчасына ишмердүүлүгү анын айланасында айтылып жаткан сөздөр боюнча билдирүү жасарын айтты.

БИШКЕК, 11-апр. — Sputnik. Премьер-министр Темир Сариев өзүнүн ишине байланыштуу акыркы аптада айтылып жаткан кеп-сөздөр боюнча бүгүн атайын билдирүү жасаарын пландап жатат. Бул туурасында Sputnik Кыргызстан маалымат агенттигине өкмөт башчынын маалымат катчысы Бакыт Асанов билдирди.

Ишемби күнү Балыкчы — Корумду жолун реконструкциялоо боюнча жарыяланган тендер чырын иликтөө боюнча түзүлгөн депутаттык комиссиянын мүчөсү Таабалды Тиллаев премьер-министр Темир Сариевге жана өкмөткө ишеним көрсөтпөө боюнча маселени парламенттин кароосуна алып чыгарын айткан.

"Бүгүн өкмөт башчы Темир Сариев анын ишине байланыштуу акыркы аптада айтылып жаткан кеп-сөздөр боюнча бүгүн атайын билдирүү жасайт. Так саатын азырынча айта албайбыз",— деди Асанов.

Кечээ Сариев Facebook баракчасына анын ишмердүүлүгү жана Балыкчы — Корумду жолун реконструкциялоо боюнча жарыяланган тендер жана бир катар маселелер боюнча негиздеме жазып, бул адилет иликтениши керек деген маанайда билдирүү жазган

Өкмөт Балыкчы — Корумду жолунун курулушун иликтөө үчүн мекемелер аралык комиссия түзүп, ал курулуш иштеринде бир катар мыйзам бузууларды аныктап чыккан. Анын негизинде комиссия транспорт жана коммуникация министри Малабаевдин ээлеген кызматына ылайыктуулугун карап көрүүнү сунуштаган. Сариев министрди жумуштан алуу боюнча сунушту президентке киргизген. Бирок президенттин аппараты ал сунушту кайра артка кайтарган.

Учурда президенттин тапшырмасы менен УКМКнын Коррупцияга каршы кызматы Малабаевдин айткандарын да, мекемелер аралык комиссиянын иликтөөсүнүн жыйынтыгын да текшерип жатат.

Транспорт жана коммуникация министри Аргынбек Малабаев депутаттык комиссиянын жыйынында Балыкчы — Корумду жолун реконструкциялоо боюнча өткөн тендерге өкмөт башчынын жакындары, транспорт министринин орун басары Улан Уезбаев жана кытайлык "Лонг Хай" компаниясынын өкүлдөрү менен сүйлөшүп алып тендердин жыйынтыгына таасир бергенин билдирген. Комиссиянын курамындагы айрым депутаттар премьердин күнөөсү бар экенин айтып, анын отставкасын талап кылышкан.

Ал эми транспорт министринин орун басары Уезбаев министр Аргынбаевдин өкмөт башчысынын күнөөлөп жаткандыгы суу кечпейт деген. Компанияларды тандоого Сариев катышты деген кеп туура эмес деп билдирген. 

Тема:
Балыкчы – Корумду жолун реконструкциялоо боюнча өткөн тендер чыры (35)

Тема боюнча

Депутаттык комиссия өкмөткө ишеним көрсөтпөө маселесин парламентке алып чыгат
Сариев Балыкчы — Корумду жолунун тендери боюнча ЖК комиссиясынын чечимине жооп берди
Белгилер:
отставка, Аргынбек Малабаев, Темир Сариев

ЭҢ МААНИЛҮҮ