Кыргыз-өзбек чек арасындагы абалдан улам ЖККУ катчысынын орун басары Бишкекке жөнөтүлдү

© SputnikЧек арачылар. Архив
Чек арачылар. Архив - Sputnik Кыргызстан
Жазылуу
Чек арадагы абалды ЖККУнун башкы катчысы Николай Бордюжанын катышуусу менен уюмдун тышкы иштер министрлеринин кеңеш мүчөлөрү телефон аркылуу талкуулап жатышат.

БИШКЕК, 23-мар. — Sputnik. Кыргыз-өзбек чек арасындагы кырдаал менен жеринен таанышуу үчүн Бишкекке Жамааттык коопсуздук келишим уюмунун катчысынын орун басары Ара Бадалян жөнөтүлдү. Бул тууралуу ЖККУнун катчылыгы билдирди.

Эскерте кетсек, 22-марттан бери Кыргызстандын демилгеси менен ЖККУнун туруктуу кеңеши кыргыз-өзбек чек арасындагы маселе боюнча шашылыш жыйыны өтүүдө. Анда Кыргызстандын уюмдагы туруктуу жана ыйгарымдуу өкүлү Аман Мамбетсеитов Аксы районунун кыргыз-өзбек такталбаган мамлекеттик чек арасындагы түзүлгөн кырдаал боюнча маалымат берген.

Өкмөт башчы: бир сантиметр жерибизди да бербейбиз
ЖККУнун туруктуу өкүлдөрү кыргыз-өзбек чек арасындагы түзүлгөн курч кырдаалга тынчсыздануусун билдирип, абалга мындан ары да байкоо жүргүзө тургандыктарын белгилешкен.

Чогулуштун жыйынтыгы менен чек ара боюнча консультациялардын улантуу чечими кабыл алынып, кырдаал менен жеринен таанышуу үчүн Бишкекке аталган уюмдун катчысынын орун басары Ара Бадалян жөнөтүлгөн. 

Ошол эле учурда чек арадагы абалды ЖККУнун башкы катчысы Николай Бордюжанын катышуусу менен уюмдун тышкы иштер министрлеринин кеңеш мүчөлөрү телефон аркылуу талкуулап жатышат. 

Катчылык бул боюнча кошумча маалымат берилерин белгилейт.

Жаңылыктар түрмөгү
0