Вице-премьер Кудайбердиева Женевада Пан Ги Мун менен жолукту

© Sputnik / Сергей Гунеев / Медиабанкка өтүүБУУнун Башкы катчысы Пан Ги Мун. Архив
БУУнун Башкы катчысы Пан Ги Мун. Архив - Sputnik Кыргызстан
Жазылуу
Швейцарияда БУУ Кеңешинин адам укугу боюнча өтүп жаткан 31-сессиясынын ишине кыргызстандык делегация катышты.

БИШКЕК, 1-мар. — Sputnik. Вице-премьер Гүлмира Кудайбердиева Женева шаарында БУУнун Башкы катчысы Пан Ги Мун менен жолугуп, бир катар маселелерди талкуулаганын өкмөттүн маалымат кызматы билдирди.

Чиновниктин портфели. Архив - Sputnik Кыргызстан
КРдин Женева жана Нью-Йорк шаарларындагы БУУ өкүлдөрү дайындалды
Эскерте кетсек, Кудайбердиева башында турган кыргыз делегациясы Швейцарияда БУУ Кеңешинин адам укугу боюнча өтүп жаткан 31-сессиясынын ишине катышты.

Жолугушуу маалында вице-премьер менен Башкы катчы адам укугу боюнча дүйнөдө түзүлгөн тенденциялар менен бирге БУУнун бул жааттагы ишмердүүлүгү жана Кыргызстандагы адам укугун өнүктүрүү боюнча иш-аракеттердин жыйынтыгын талкуулашты.

Пан Ги Мун былтыркы жылдын июнь айында Кыргызстанга, анын ичинен Ош шаарына болгон иш сапарын жылуу маанайда эскерип, өлкөнүн демократиялык жолдогу багытына оң баа берди.

Мындан тышкары, жолугушууда кыргызстандык делегациянын быйылкы жылга пландаштырылган эл аралык иш-чараларга катышуусу боюнча маселе каралды. 

Жаңылыктар түрмөгү
0