07:02 22 Бирдин айы 2018
Түз эфир
Премьер-министр Темир Сариев. Архив

Сариев: биз үчүн бийликчил же оппозициячыл партия деген түшүнүк болбошу керек

© Sputnik / Табылды Кадырбеков
Саясат
Кыскача шилтеме алуу
24 0 0

Өкмөт башчысы укук коргоо органдарына үгүт өнөктүгү учурунда жана шайлоо күнү коомдук тартипти сактоо жана коопсуздукту камсыз кылуу боюнча иштерди күчөтүүнү дагы бир жолу эскертти.

БИШКЕК, 14-сен. — Sputnik. Шайлоо маалында бийликчил же оппозициячыл партия деген түшүнүк болбостон, үгүт өнөктүгүн жүргүзүүдө бардык саясий уюмдарга бирдей шарт түзүлүшү керектигин премьер-министр Темир Сариев шайлоону уюштурууга даярдык боюнча өкмөттүн оперативдүү жыйынында билдирди. 

Премьер-министр Темир Сариев во время поездки в город Ош
© Пресс-служба правительства / Сабыр Аильчиев
Шайлоону уюштуруу боюнча республикалык штабдын төрагасы, биринчи вице-премьер-министр Тайырбек Сарпашев шайлоону уюштуруу жана өткөрүүгө даярдыктар жана биометрикалык маалымат топтоо боюнча иш активдүү жүргүзүлүп жатканын маалымдады. Анын айтымында, азыркы тапта өтүп жаткан “Өзүңдү тизмеден такта!” аттуу акциясынын алкагында жарандар шайлоо тизмелеринен өзүн тактап жатат. 

Сариев шайлоо күнү добуш берүүдө ар кандай техникалык маселелер жаралбашы үчүн ар бир райондо адискөй IT-программисттерди атайын даярдыктан өткөрүүнү тапшырды.

Премьер-министр мамлекетттик жана жергиликтүү өзүн-өзү башкаруу органдарынын жетекчилерине шайлоого катышкан саясий партияларга үгүт өнөктүгүн жүргүзүүдө бирдей шарт түзүү тапшырылганын эскертти.

"Биз үчүн бийликчил же оппозициячыл партия деген түшүнүк болбошу керек. Бардык партияларга үгүт өнөктүгүн жүргүзүүдө бирдей шарт түзүп беришибиз зарыл. Ал эми кайсы партияга добуш берүүнү эл өзү чечсин", — деди Сариев.

Өкмөт башчы укук коргоо органдарына үгүт өнөктүгү учурунда жана шайлоо күнү коомдук тартипти сактоо жана коопсуздукту камсыз кылуу боюнча иштерди күчөтүүнү дагы бир жолу эскертти.

Тема боюнча

Сариев: добуш албай калгандар чычалабай, шайлоо жыйынтыгын таанышы керек
Атамбаев: шайлоонун таза өтүшүнө өкмөт жетекчилиги керт башы менен жооп берет
Белгилер:
үгүт, тизме, саясый партия, шайлоо, Темир Сариев
Колдонуу эрежелериПикирлер

ЭҢ МААНИЛҮҮ