Бакыт Асанов: Өкмөт башчысы менен ЖМКлар ортосунда кызматташууну жакшыртуу ниетим бар

© Sputnik / Алексей Дружинин / Медиабанкка өтүүПортфель. Архив
Портфель. Архив - Sputnik Кыргызстан
Жазылуу
Өкмөт башчысынын маалымат катчысы Бакыт Асанов азыркы кызматы жооптуу экендигин жана коомдогу болуп жаткан окуя, көйгөйлөр туурасында өкмөт башчысын объективдүү кабардар кылып турууга аракет кыларын айтты.

БИШКЕК, 8-июнь — Sputnik. Өкмөт башчысынын маалымат катчылыгына мурдагы журналист Бакыт Асановдун дайындалгандыгын өкмөттүн маалымат кызматы билдирди.

Жаңы маалымат катчы Бакыт Асанов бул иш жооптуу жана түйшүктүү болорун, бирок өкмөт менен ЖМК арасындагы кызматташуунун жакшы бир көпүрөсүн түзүүгө ниеттенип жаткандыгын Sputnik маалымат сайтына билдирди. 

"Бул кызмат жооптуу, оор болот, ошентсе өзүмдү сынайын деп чечтим. Премьер-министр менен жалпыга маалымдоо каражаттарынын ортосунда жогорку деңгээлдеги кызматташууну түзүүгө болгон аракетимди жумшасам деген ниетим бар. Ошол эле учурда коомдогу болуп жаткан окуя, көйгөйлөр туурасында объективдүү кабардар кылып жана ЖМКларда чагылдырылган маселелерге өкмөт башчы тарабынан өз учурунда баа берилип, чара көрүлүүсүнө аракет кылам", — деди ал. 

Асановдун маалымат катчылыгына дайындоо боюнча буйрукка өкмөт башчысы Темир Сариев бүгүн кол койгон.

Бакыт Асанов буга чейин "Азаттык" радиосунун кыргыз кызматында иштеген.

Жаңылыктар түрмөгү
0