23:27 21 Теке 2018
Түз эфир
  • USD68.2377
  • EUR79.4389
  • RUB1.0748
Кылмыш иши. Архив

Самаковдун жактоочусу ага карата кылмыш иши мыйзамсыз козголгон деп эсептейт

© Sputnik / Табылды Кадырбеков
Саясат
Кыскача шилтеме алуу
Карганбек Самаковго карата козголгон кылмыш иши (18)
74 0 0

Самаковго карата кылмыш ишин козгогондо, ал мамлекеттик кызматкер да, депутат да эмес, жөнөкөй жаран болучу. Кылмыш иши негизсиз, алдын ала жана мыйзамсыз козголуп жатат дейт анын жактоочусу.

БИШКЕК, 16-май — Sputnik. Парламенттин депутаты Карганбек Самаковго кылмыш иши мыйзамсыз козголду деп билдирди Sputnik маалымат сайтына эл өкүлүнүн жактоочусу Арстанбек Аскарбеков.

Самаков 15-майда Чүй облусуна караштуу Кара-Жыгач, Байтик жана Лебединовка айыл өкмөттөрүнө караштуу 262 гектар жерди мыйзамсыз менчиктеп алган деген шек менен кармалган. Ага Кылмыш Жаза кодексинин 303-беренеси (Коррупция) боюнча кылмыш иш козголуп, УКМКнын убактылуу тергөө абагына камалган

Жактоочунун айтымында, жума күнү, 15-майда аны жана депутатты чакыруу кагазынын негизинде Башкы прокуратуранын тергөөчүсү Абдырасулов чакырган. 

"Чакыруу кагазында Самаковго карата кылмыш иши козголгондугу көрсөтүлгөн эмес. Биз буга чейин козголгон кылмыш иши боюнча суракка чакырып жатса керек деп ойлоп бардык. Бүгүн чакырышты да башкы прокурор Индира Жолдубаеванын депутатка 303- берене менен кылмыш ишин козгоо боюнча токтомун көрсөтүштү. Токтомдо 14-март деп жазылып турат", — деп айтып берди жактоочу. 

Аскарбеков коррупция боюнча козголгон кылмыш ишинин субъекти мамлекеттик кызматтагы адам болушу керектигин айтты. 

"Самаковго карата кылмыш ишин козгогондо, ал мамлекеттик кызматкер да, депутат да эмес, жөнөкөй жаран болучу. Кылмыш иши негизсиз, алдын ала жана мыйзамсыз козголуп жатат", — деди анын жактоочусу. 

Самаков Жогорку Кеңештин IV чакырылышына "Ата Мекен" саясий партиясынын тизмеси боюнча депутат болуп келген. Бирок, ал 2014-жылдын аягында "Ата Мекенден" чыгып, өзүнүн партиясын түптөгөндүгүн айткан. 

Ал КМШ Парламент аралык Ассамблеясынын (ПАА) Саясий маселелер жана эл аралык кызматташуу боюнча туруктуу комиссиясынын төрагасынын орун басары. ЮНЕСКО иштери боюнча улуттук комиссиянын төрагасынын орун басары.

Тема:
Карганбек Самаковго карата козголгон кылмыш иши (18)

Тема боюнча

Самаковду кантип кармашкандыгын анын жактоочусу айтып берди
Кулов: депутаттарга кол тийбестик укугун алып коюу жакпай жатат
Белгилер:
депутат, Башкы прокуратура, Жогорку Кеңеш, Арстанбек Аскарбеков, Карганбек Самаков, Индира Жолдубаева
Колдонуу эрежелериПикирлер

ЭҢ МААНИЛҮҮ