БИШКЕК, 13-апр. — Sputnik. КРдин Каржы министри Ольга Лаврова өз ыктыяры менен кызматтан кетүү жөнүндө арыз жазганын жергиликтүү ЖМКлар билдиришти.
Ольга Лаврова Каржы министрлигин 2012-жылдан тартып башкарып келген. Коалициялык көпчүлүктөгү квота боюнча бул министрлик "Ар-Намыс" фракциясына бөлүнгөн.
"Ар-Намыс" фракциясынын лидери Феликс Кулов Лаврованын кызматтан кетүү тууралуу жазган арызы боюнча маалыматты интернет булактарынан окуган.
"Азыр эч нерсе деп айта албайм. Себеби такталбаган нерсеге комментарий берүү туура эмес", — деди ал.
Өкмөттүн жана президенттин аппаратынан бул маалыматты азырынча такташкан жок.
