Президенттин аппараты Атамбаевдин Кишиневдогу жолугушуусунун максатын маалымдады

Жазылуу
Атамбаев Молдованын бийлик өкүлдөрү менен Европа союзу жана Россия менен өз ара кызматташуу маселелерин талкуулаган.

БИШКЕК, 19-мар. — Sputnik. Кыргызстандын президенти Алмазбек Атамбаев 15-мартта Санкт-Петербургга барардын алдында кыска мөөнөткө Кишиневго эмне себептен токтогону боюнча президенттин аппараты түшүндүрмө берди.

Атамбаев Европага болгон иш сапарын Австриядан баштайт
Маалыматка ылайык, Атамбаев Молдованын парламентинин төрагасы Адриан Канду жана республиканын башкаруучу коалициясынын лидерлеринин бири Владимир Плахотнюк менен расмий эмес жолугушуусу Молдованын Европа союзу жана Россия менен өз ара кызматташуу маселелерин талкуулоого арналган. 

Кыргыз президенти Санкт-Петербургга келгенде ушул жана башка маселелер Владимир Путин менен жолугушуусунда дагы сүйлөшүүнүн темасы болгонун президенттин аппараты ишендирүүдө.

Ошондой эле, бул маселелер Атамбаевдин Европанын өлкөлөрүнө боло турчу расмий иш сапарында да талкууланышы болжолдонууда

"Кыргызстан Евразия экономикалык союзуна кошулуп жатат, ошондуктан Евразия континентинде тынчтыкты чыңдоо жана чыңалууну эскалациялоого жол бербөө боюнча түздөн-түз кызыкчылыктары бар", — деп айтылат аппарат тараткан билдирүүдө.

Президенттин аппараты "Бишкек – Кишинев – Санкт-Петербург – Бишкек" каттамы боюнча кыргыз делегацисынын авиаучууларынын чыгымдарын Алмазбек Атамбаев жеке каражаттарынан төлөөрү алдын ала эле белгилүү болгонун кошумчалады. 1993-жылы жасалган ТУ-154 президенттик самолет ошол учурда учуу алдындагы текшерүүлөрдөн өтүп жаткан.

Жаңылыктар түрмөгү
0