Серепчи: Шыкмаматов Текебаевдин айтканын гана жасап туруп алды

© Пресс-служба президента КРАлмамбет Шыкмаматов министр юстиции Кыргызской Республики
Алмамбет Шыкмаматов министр юстиции Кыргызской Республики - Sputnik Кыргызстан
Жазылуу
Саясат таануучу Марат Казакпаев Адилет министрлиги маанилүү кызмат орду экенин, аны квота боюнча депутаттар эмес, президент өзү көрсөткөнү туура болмок деген пикирде.

БИШКЕК, 6-фев — Sputnik. Адилет министри Алмамбет Шыкмаматов өзүнүн функциясын так аткара алган жок. Мындай пикирди саясат тануучу Марат Казакпаев Sputnik кабарчысынын "Адилет министри болуп Алмамбет Шыкмаматовдун ордуна ким келиши мүмкүн" деген суроосуна жооп берип жатып билдирди. 

"Чындап айтсак, Шыкмаматов өзүнүн функциясын аткара албай калды. Ал Кумтөр маселеси боюнча жүрүп жаткан сүйлөшүүлөрдө бир да документке кол койгон жок. Өкмөттүн мүчөлөрүн депутаттар шайлаган. Анын жаман жактары бар экенин көрүп жатабыз. Алар өзүнүн лидеринин гана айтканын угуп туруп алат. Мындай учурда өкмөттүн иши алдыга жылбайт. Менин оюмча, Шыкмаматов Текебаевдин эле айтканын аткарып туруп алды", — дейт ал.

Саясат таануучу Адилет министрлиги өтө маанилүү, чоң кызмат орду экенин белгилейт. Өлкөнүн тагдырын чече турчу юридикалык сүйлөшүүлөргө адилет министри Кумтөр боюнча сүйлөшүүлөргө активдүү катышышы керек болчу. 

Казакпаев өкмөттүн мүчөлөрүн депутаттар дайындагандыктан профессионалдуу эмес кишилер келип атканын айтат. 

"Адилет министрлигине президент өзү талапкер көрсөткөнү туура. Эч кимге квота бербей эле өзү сунуштаса болмок", — деген пикирин билдирип, Адилет министрлигине тажрыйбасы мол, юридикалык билими жогору адистерди депутаттар тандайт деп ишене турганын кошумчалады.

Архив: Нышанов Сайдулла - Sputnik Кыргызстан
Адилет министрлигине талапкерди премьер-министр өзү тандайт
Адилет министри Шыкмаматов кызмат ордун президенттин аппаратынын жетекчиси менен болгон чырдашуудан улам өткөрүп берген.

Жогорку Кеңештеги көпчүлүк коалициянын келишимине ылайык, "Ата Мекен" фракциясы Адилет министрлигине өз талапкерин сунушташы керек. Бирок, аталган фракция министрлик орунга өздөрүнүн талапкерин сунуштабай турганын айтып, бул укукту премьер-министрге берүү чечимин өз жыйынында кабыл алган болчу.

Жаңылыктар түрмөгү
0