18:14 16 Бугу 2021
Түз эфир
  • USD84.6213
  • EUR102.6076
  • RUB1.1436
Сүрөт

Чыңгыз жана Мария Айтматовдордун суктанткан сүрөттөрү. Жазуучуга муза эле...

Кыскача шилтеме алуу
142010
  • Мария Айтматова улуу жазуучу Чыңгыз Айтматов менен таанышкандан бери анын чыгармаларынын алгачкы окурманы жана редактору болгон
  • Мария Айтматова жазуучунун калемине таандык Ботогөз булак фильмин тартууда режиссёр Лариса Шепитконун ассистенти катары эмгектенген
  • Айтматова 60-жылдарда келген кыргыз кинематографисттеринин сап башында турган өкүлү эле
  • Ал Түркмөнфильм тарткан Маңкурт фильминин сценарийин жазган
  • Мария Айтматова улуу жазуучунун Кылым карытар бир күн романын өз колу менен терип чыккан
  • Мария апа Чыңгыз Айтматовдун тиреги жана музасы эле...
  • Чыңгыз Айтматов жана Мария Айтматова бир уул, бир кыздын ата-энеси
  • Айрым маалыматтарга караганда, Мария Айтматованын улуу кызы Чолпон учурда Европада жашайт.
  • Апа, неберелериңиз менен тиккен магнолия бүгүн гүлдөдү. Сизге ыраазыбыз. Жакшы көрөбүз, дайым эсибиздесиз, — деп жазылат балдарынын эскерүүсүндө.
  • Мария Айтматова 79 жашында оорудан улам дүйнө салды
  • КРдин эл артисти Сардарбек Жумалиев обонун жазган Таң сыры аттуу элибизге белгилүү ыр Мария Айтматовага арналгандыгын композитор маектеринде эскерген.
© Фото / из семейного архива Айтматовых
Мария Айтматова улуу жазуучу Чыңгыз Айтматов менен таанышкандан бери анын чыгармаларынын алгачкы окурманы жана редактору болгон

Кечээ, 20-апрелде, улуу жазуучу Чыңгыз Айтматовдун жубайы Мария Айтматова оорудан улам 79 жашында каза болду.

Улуу жазуучу Чыңгыз Айтматовдун жубайы Мария Айтматова
© Пресс-служба президента КР / Султан Досалиев
Мария Айтматова 1942-жылы 13-июлда Суусамыр өрөөнүндөгү 8-Март айылында туулган. Атасы Нурмат Шатиев Кызыл кавалериянын жылкычысы болсо, апасы Гүлсүн Бакинова Жумгалдын башкармасынын кызы эле. Атасы каза болгондон кийин Мария апасы экөө Фрунзе шаарындагы Илимдер академиясынын кызматкерлери жашоочу үйгө көчүп келет. Мария Айтматова апасы, таенеси жана таежеси менен бирге жашаган. Апасынын бир тууганы Гүлжамал Бакинова кыргыз тилинин диалектологиялык картасын негиздеп, жээнинин инсан катары калыптанышында чоң роль ойногон.

Мария Айтматова ВГИКтин кино жана телевидение сценаристи факультетин бүтүрүп, Кинематографисттер союзуна караштуу Кино үйүндө сценарист, рецензент болуп иштеген.

Улуу жазуучунун жубайы менен коштошуу зыйнаты Айтматовдун үй-музейинде өтүп, сөөгү бүгүн "Ала-Арча" көрүстөнүнө коюлду.

Тема боюнча

Президент Садыр Жапаров Мария Айтматованын жакындарына көңүл айтты
Чыңгыз Айтматов ушул бөлмөлөрдө жашоо кечирген. Залкардын үй-музейинен сүрөттөр
Белгилер:
өлүм, жазуучу, Чыңгыз Айтматов, сүрөт, Мария Айтматова

Дагы сүрөт түрмөктөрү

ЭҢ МААНИЛҮҮ