14:43 20 Баш оона 2019
Түз эфир
  • USD69.7839
  • EUR77.4776
  • RUB1.0477
Сүрөт

Кыргыздар жана Түркстан эли британиялык саякатчынын сүрөтүндө. 1880-жылдагы кадрлар

Кыскача шилтеме алуу
83910
  • Алайык кыргыз келин. Лансдейл аялды шаарга жарманкеге бараткан жеринен кезиктиргенин жазган
  • Көчмөн кыргыз үй-бүлөсү Сары-Камышка көчүп баратат. Оштун Кара-Кулжа районунда жайгашкан бул аймактын аталышы азыр деле ушундай
  • Кадры британского путешественника и писателя Генри Лансдейл в Туркестане
  • Аскерлердин Самарканддагы машыгуусу
  • Шахрисабз чеби. Сүрөтчү бул сүрөттү Бухара эмири менен жолугушуудан кийин тартып алган
  • Кадры британского путешественника и писателя Генри Лансдейл в Туркестане
  • Хива хандыгын 1864-1910-жылдар аралагында башкарып келген Мухаммад Рахим-хан II
  • Бухара эмири Сейд Мухаффар ад-дин
  • Түркмөнстандын түштүк-чыгыш бөлүгүндө жайгашкан Мерв шаарын басып алууну сүйлөшүп жаткан төрт эмир
  • Самарканддын 1882-жылы тартылган сүрөтү
  • Бухарадагы медресе. Абдулазизхан башкаруучунун ысымы ыйгарылган
  • Бухара шаарынын ошол кездеги эң бир кооз деп эсептелген аймагы Ляби-Хауз көлмөсү
  • Азыркы Түркмөнбашы — Түрмөнстандын батышында жайгашкан шаар. Лансдейлдин саякаты маалында калаа Красноводск деп аталып, бул аталышты 1993-жылга чейин алып жүргөн
  • Бухарадагы музыканттар
Алайык кыргыз келин. Лансдейл аялды шаарга жарманкеге бараткан жеринен кезиктиргенин жазган

XIX кылымдын экинчи жарымында британиялык саякатчы жана жазуучу Генри Лансдейл азыркы Кыргызстан, Өзбекстан, Түркмөнстан жана Батыш Кытайдын аймагын камтыган Түркстанга келип кеткен. Жарым жылдан ашуун убакыт ичинде ал бир топ кызыктуу сүрөттөрдү тарткан. Кайталангыс кадрларды Sputnik Кыргызстан агенттигинин сүрөт түрмөгүнөн көрө аласыз.

1885-жылы Лондондо жазуучу Генри Лансдейл "Орус Борбор Азия" деген китеп чыгарып, анда Борбор Азияга болгон сапарын сүрөттөп берген. Саякат 1882-жылдын июнунан декабрына чейин уланып, 179 күнгө созулган.

Лансдейл поезд, кеме, атчан жана төө минип саякаттаган. Ал Семипалатинск (Казакстан), Ош (Кыргызстан), Кулжа (Кытай), Ташкент, Кокон, Самарканд, Карши, Бухара, Хива (Өзбекстан), Мерв (Түркмөнстан) жана башка ошол кездин ири шаарларын кыдырып чыккан.

Британиялык саякатчы өз байкоолорун тыкыр иликтөө жана адистердин пикири, ошондой эле уникалдуу сүрөттөр менен бекемдеген. Ал кадрлар ушу күнгө чейин сакталып калды. Сүрөттөр жапырт пайдалануу үчүн Flickr фоторесурсуна жана Internet Archive электрондук китепканага коюлса, китептин сканерленген түрү Висконсин университетинин китепканасында сакталып турат.

Тема боюнча

Тарыхый окуя. Ата-Журтуна келип сүйүнгөн памирлик кыргыздар сүрөттө
Кыргызстандын алгачкы басмаканасына 91 жыл толду. Архивдик сүрөттөр
Белгилер:
тарых, саякат, Сүрөт, Түркестан, Борбордук Азия, Кыргызстан

Дагы сүрөт түрмөктөрү

ЭҢ МААНИЛҮҮ