Президент Алмазбек Атамбаев 29-августту Москвадагы өрттөн жана Бишкек — Ош жолунда жол кырсыгынан каза болгондорго байланыштуу аза күтүү күнү деп жарыялоо... 29.08.2016, Sputnik Кыргызстан
Президент Алмазбек Атамбаев 29-августту Москвадагы өрттөн жана Бишкек — Ош жолунда жол кырсыгынан каза болгондорго байланыштуу аза күтүү күнү деп жарыялоо боюнча Жарлыкка кол койгон.
Бул күнү Кыргызстандын бардык аймагында, чет жактагы дипломатиялык жана консулдук өкүлчүлүктөрдүн имаратындагы мамлекеттик туулар түшүрүлдү.
Маданият мекемелерине жана өлкөдөгү телерадиокомпанияларга оюн-зоок өткөрүүнү, көңүл ачуучу программаларды көрсөтүүнү токтотуу сунушталды. Ал эми өкмөткө жергиликтүү бийлик менен биргеликте каза болгондордун үй-бүлөсүнө жардам берүү тапшырмасы берилди.
