11:06 22 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Сүрөт

Кытайда өлүм жазасына тартуу кантип ишке ашат. Учурдагы жана архивдик сүрөттөр

Кыскача шилтеме алуу
836130
  • Дунгуан шаарында 35 000 кишинин алдында өлүм жазасын аткаруу. Кармалгандар гонконгдук ишкер Шум Ка Юнду жана анын катчысы Чан Кит Менди уурдап кетип өлтүргөнү үчүн өлүм жазасына тартылган
  • Шанхайдагы Тиланкьиа түрмөсүндөгү полициянын офицерлери камакка алынгандардын туугандарына асып өлүм жазасына тартуу бөлмөсүн көрсөтүүдө. Бул бөлмө британдыктар тарабынан курулуп, 1949-жылга чейин колдонулуп келген. Азыр өлүм жазасына тартылгандар атылат, же өлтүрүүчү ийне саюу аркылуу ишке ашат
  • Фуцзянь провинциясынын Сямын шаарында сот өкүмдү окуп жатат. Алдамчылык аракеттер аркылуу мамлекетке 6,6 миллиард доллар зыян алып келген деп 2000-жылы айыпталган 84 кишинин 14тү өлүм жазасына тартылган
  • Кытайдын полициясы кылмышкерлерди кармап турат. Пекинде 16 кишини өлүм жазасына тартуу
  • Кытайдын түштүк-батышындагы Юньань провинциясынын Куньмин административдик борборунда полиция өлүм жазасына тартылгандарды стадиондо элге көрсөтүп жатат. 2001-жылы 26-июнда Маңзатка каршы күрөшүү жана аны колдонууга каршы эл аралык күнүндө баңгизатты тараткан деп айыпталган 54 киши өлүм жазасына тартылган
  • 2001-жылы 23-июнда Сычуань провинциясындагы Ченду шаарынын стадионунда 24 киши баңгизатын мыйзамсыз сатууга айыпталып өлүм жазасына тартылган
  • Кью Жун соттун өкүмүн угууда. Ал жашы жете элек окуучу кызды зордуктаган деп айыпталган. Ага сот өкүмү 2001-жылы 16-апрелде чыккан. Катуу муштум жалпы элдик программа ишке киргенден кийин апрелден июль айына чейин 2 468 киши өлүм жазасына тартылган
  • 1999-жылы 27 000 юанга 200 грамм героин саткан Ванг Цьионг 2003-жылы 26-июнда Гуанчжоуда өлүм жазасына тартылган
  • Кытайдын полициясы өзгөчө коркунучтуу кылмышкерлерди элге көрсөтүүдө, Вэньчжоу шаары. Кытайдын мыйзамдарына ылайык, өлүм жазасына тартуу өкүмү эл алдында окулушу керек. Amnesty International уюму Кытайда өлүм жазасына тыюу салууга чакырат. Себеби, күнөөсүз жаштар өмүрүнөн ажырап жатканын жүйөө келтирет
  • Укук коргоочулардын нааразычылыктарына карабай 2006-жылы Бириккен Улуттар Уюмунун Башкы ассамблеясы Кытайды, Сауд Аравияны жана Кубаны Адам укуктары боюнча кеңешке кабыл алган
  • Парижде Адам укуктары аренасы акциясынын алкагында Эл аралук укук коргоо уюмунун мүчөлөрү тарабынан Кытайда өлүм жазасына тартуу учуру көрсөтүлгөн. Бул акция Пекинде Олимпиадалык оюндар ачылар алдында болгон
  • Өлүм жазасына тартылган үч филиппиндиктердин бирөө ак тасманы башына ороп, Чет жакта иштеген филиппиндиктердин өмүрүн сактагыла деген жазууну чаптап алган. Алар баңгизатын сатуу үчүн айыпталышкан
  • Өлүм жазасына тартылгандардын аттарын ак баракка жазып, моюнуна асып коюшат. Кызыл сыя менен чийилгендер өлүм жазасына тартыла тургандар
  • Айрам маалыматтарга ылайык, жыл сайын 4 миңге жакын киши өлүм жазасына тартылат. Алардын так саны мамлекеттик сыр болуп саналат. Америкалык укук коргоо уюмдарынын маалыматына ылайык, Кытайда өлүм жазасына тартылгандардын саны башка мамлекеттерди чогуу алып караганда дагы көптүк кылат.
© AFP 2019 / SING TAO
Дунгуан шаарында 35 000 кишинин алдында өлүм жазасын аткаруу. Кармалгандар гонконгдук ишкер Шум Ка Юнду жана анын катчысы Чан Кит Менди уурдап кетип өлтүргөнү үчүн өлүм жазасына тартылган

18-февралда КР Тышкы иштер министрлиги кыргызстандык Светлана Кулбаева баңгизат ташыганы үчүн Кытайда өлүм жазасына тартылганын тастыктады. Sputnik Кыргызстан маалымат агенттиги Кытайда эл алдында жана сот залында өлүм жазасына тартуу кандай жүрөрү боюнча архивдик жана жаңы сүрөттөрдүн топтомун сунуштайт.

2010-жылдын 6-ноябрында Ош аэропортунан Үрүмчү шаарына учкан Светлана Кулбаева Кытайдын бажы кызматы тарабынан баңгизат менен кармалып, сот аны бир жылдан ашуун убакыттан кийин өлүм жазасына өкүм кылган. Өлүм өкүмү 2016-жылдын 4-февралында аткарылган.

Өлүм жазасына тартылган Светлана Кулбаева 51 жашта болгон.

Кытайда 69 кылмыш боюнча өлүм жазасына тартылат. Анын катарына мамлекеттик чыккынчылык, сепаратизм, куралдуу баш аламандык, тыңчылык жана маңзаттарды ташуу бар. Бирок, акыркы кылмыш боюнча жашы жете электер өлүм жазасына тартылбайт.

Айрым маалыматтар боюнча Кытайда бир жылда болжол менен беш миңге жакын киши өлүм жазасына тартылат. Соттун өкүмү атуу же ийне саюу аркылуу ишке ашырылат. Буга чейин өлүм жазасына тартылгандар асылган.

Прокуратура кызматкерлери соттун өкүмүнүн аткарылышына көз салып турат. Кылмышкер өлүм жазасына тартылгандан кийин анын туугандарына кабар берилет.

Тема боюнча

Кытайда баңги зат менен соттолгон кыргызстандык аял өлүм жазасына тартылды
Белгилер:
өлүм жазасы, сот, Кытай

Дагы сүрөт түрмөктөрү

ЭҢ МААНИЛҮҮ