Сүрөттөгү апта: шырдактан террактыга, Санкт-Петербургдан Афиныга чейин

Санкт-Петербургда Эл аралык аскер-деңиз салону болуп өттү. Иш-чара эл назарына жетинчи ирет тартууланып жатат.

Нарындын Ат-Башы районунда "Кыргыз шырдагы — V" фестивалы жыйынтыкталды.

Сириянын Дума районундагы бомбалоодон 10 адам алардын ичинде эки наристе курман болду.

Улуу Британияда "Гластонбери" фестивалы болуп өттү. Иш-чара 1970-жылдан бери Англиядагы орчундуу музыкалык окуя катары саналып келет. Фестиваль дүйнө боюнча да маанилүү иш-чаралардын катарында турат.

30-июнь күнү Hercules C-130 аскердик-унаа учагы абадан жарылып, Индонезиянын түштүк-батышында жайгашкан Түндүк Суматра провинциясынын калктуу кварталына кулаган. Унаанын ичиндеги 113 адамдын баары каза болду.

Тунистин Сус шаарында террорист Imperial Marhaba мейманканасынын аймагына кирип, жээкте эс алып жаткан туристтерге ок чыгарган. Натыйжада 40 адам набыт болуп, дагы ошончо адам жабыркаган.

Австриянын Портшах шаарында жыл сайын өтүүчү Дүйнөлүк бодиарт фестивалы өттү.

Кытайдын чай плантациялары жана табигый кооздугу менен да белгилүү. Бул Шанхайдан 180 чакырым аралыкта жайгашкан Ханчжоу шаарынан бир элес.

Индияда Чанаван каналынан өтүүдө поезд темир жолдон чыгып кеткен. Натыйжада 17 адам жабыркаган.

Грециядагы каатчылык. Мамлекет 1-июлда кредиттик жана төлөм карталарын пайдаланбаган пенсионерлердин акча алуусу үчүн 968 банк бөлүмүн ачты. Карыялар өткөн апта аралыгында 120 евро акча алууга үлгүрүштү.

Көгүлтүр ай. Июль айында биз эки ирет айдын толгонуна күбө болобуз. Биринчи жолу ай 2-июлдун таңында толсо, экинчиси 31-июлга туура келген. Мындай өзгөчөлүк 2-3 жылда бир жолу болот.

Европада аба ырайы жаңы рекорддорду жаратууда.
Испания менен Португалия ысыктан улам жогорку деңгээлдеги кооптуулук абалын жарыялады.

Башкыртстан Республикасынын борбору Уфа калаасы ШКУ жана БРИКС самиттеринин катышуучуларын кабыл алууга даярданып жатат.

Армениядагы нааразылык акциясы. Митингчилер дүйшөмбү күнү кечке чейин бийликтен жооп күтүүдө. Еревандын борборунда коммуналдык тарифтерди жогорулатууга каршы акцияны 15тен ашпаган адам улантып жатат.

Гректердин 61 пайыздан көбү референдумда "жок" деп жооп беришти.
Бул шайлоо аянтчаларынын 90,91 пайызынан чогулган бюллетендердин жыйынтыгы. Добуш берүүгө алдын ала маалымат боюнча шайлоочулардын 62,28 пайызы катышкан.

Премьер-министр Темир Сариевдин жетекчилиги астында өкмөт мүчөлөрү веложүрүшкө чыгышты.