00:12 30 Үчтүн айы 2020
Түз эфир
  • USD69.8500
  • EUR76.8490
  • RUB1.1195
Ой-пикир
Кыскача шилтеме алуу
Жогорку Кеңешке жаңы төрага шайланды (15)
136910

Бүгүн Жогорку Кеңеште "жетекчи" алмашып, кызматын өз эрки менен тапшырып берген Чыныбай Турсунбековдун ордуна эл өкүлдөрү Дастан Жумабековду төрага кылып тандашты.

Бирок бул чечим көпчүлүк үчүн күтүүсүз болгондой сезилди. Анткени коомчулукта парламент спикерлигине Иса Өмүркулов келиши ыктымал деген божомолдор болгон.

Мындан улам Sputnik Кыргызстан агенттиги коомчулукка анча таанымал эмес Дастан Жумабековдун мамлекеттин экинчи адамы болуп дыйындалышына эмне себеп болду жана ал бул кызматты канчалык деңгээлде аркалап кетет деген суроо менен серепчилерге кайрылып көрдү.

Марс Сариев, саясат таануучу: 

Кыргызский политолог Марс Сариев во время интервью Sputnik Кыргызстан
© Sputnik / Табылды Кадырбеков
Марс Сариев, саясат таануучу:

— Президенттик шайлоодон Социал-демократтар партиясынын (КСДП) мүчөсү жеңип чыкты. Өкмөт башында дагы КСДПчы отурат. Өлкөдөгү эң бийик посттордун бири болгон спикерликке дагы бийлик партиясынын өкүлү Иса Өмүркуловдун талапкерлиги каралган. Бирок акыркы учурда саясий теңчиликти сактоо үчүн чоң кызматтын бирине башка партиянын өкүлүн отургузуу эң жакшы вариант болду деп эсептейм. Дастан Жумабековдун саясий дарамети канчалык экенин мен жакшы билбейм. Бирок абдан компетенттүү адис көрүнөт.

Каныбек Иманалиев, "Ата Мекен"фракциясынан ЖК депутаты: 

Депутат ЖК 6 созыва Каныбек Иманалиев от партии Ата-Мекен во время интервью Sputnik Кыргызстан
© Sputnik / Табылды Кадырбеков
Каныбек Иманалиев, "Ата Мекен"фракциясынан ЖК депутаты

— Дастан Жумабеков парламенттин мурдагы чакырылышында дагы депутат болгон. Бул аралыкта ал парламентарий катары бир топ өстү, эми төрага катары бара-бара тажрыйба топтойт деп ойлойм. Экинчиден, спикерлик кызмат бийликтин фракциясынан алыстап, башка партиянын мүчөсүнө берилгени абдан туура болду. Бул көпчүлүк коалициянын чечими. Бизге, оппозициялык фракциянын депутаттарына, калыс иштеген төрага болсо жетиштүү. Биздин оюбузду дагы угуп, сураган учурда сөз берип турса, кимиси менен болсо дагы иштеше берүүгө даярбыз.

Искендер Ормон уулу, "Сереп" аналитикалык борборунун жетекчиси: 

Директор аналитического центра Сереп Искендер Ормон. Архивное фото
© Фото / Зарылбек Нышан
Искендер Ормон уулу, "Сереп" аналитикалык борборунун жетекчиси

— Дастан мырза жаш, өтө көрүнүктүү болбосо дагы абдан активдүү депутат. Ар түрдүү кырдаалдарда өз пикирин, көз карашын айтып жүргөнү маалым. Албетте, башка деле татыктуу депутаттар бар эмес беле деген суроо туулушу мүмкүн. Бирок бизде жазылбаган эрежелерди дагы эске алышыбыз керек. Мисалы, регионалдык маселелер. Бул жагынан караганда, Жумабековдун Талас жергесинин кулуну экендиги роль ойноду болушу керек. Шайлоодон кийин Талас элинин көңүлүн алуу түшүнүгү болушу ыктымал. Экинчиден, бардык башкаруу бутактарынын башында тургандар бир партиядан болбошу керек. Кыскасы, бардык жагынан караганда, эң ыңгайлуу фигура катары Дастан мырза алдыга чыкты деп ойлойм.

Тема:
Жогорку Кеңешке жаңы төрага шайланды (15)

Тема боюнча

Жогорку Кеңештин төрагасы шайланып жатат. Тексттик трансляция
Депутаттар отставкага кеткен ЖК төрагасын узатышты. Видео
Дастан Жумабеков Жогорку Кеңештин төрагасы болуп шайланды
Жогорку Кеңештин төрагалыгына дагы бир талапкер сунушталды
Белгилер:
спикер, пикир, Жогорку Кеңеш, Дастанбек Жумабеков

ЭҢ МААНИЛҮҮ