16:54 20 Аяк оона 2017
Түз эфир
Ноутбукта иштеп жаткан адам. Архив

Эксперт: хакерлердин банкоматка койгон чабуулу көйгөйдүн башы гана

© flickr.com / hackNY.org
Ой-пикир
Кыскача шилтеме алуу
128 0 0

Адис Кыргызстанда мындай учурлар буга чейин катталганын айтып, ар бир жаран интернет сатып алууда жана банкоматтан акча чыгарууда сак болуусу керектигин эскертти.

БИШКЕК, 22-ноя. — Sputnik. Маалымат коопсуздугу борборунун адиси Антон Кирсанов Sputnik Кыргызстан маалымат агенттигинин кабарчысына банкоматтарды хакерлер кантип талкалай турганын жана банктык карталардагы акчаларды кантип сактап калуунун жолдорун айтып берди.

Шейшемби күнү Reuters агенттиги Кыргызстан баштаган КМШ жана Евробиримдиктин 10 мамлекети эл аралык кылмыштуу топтун киберчабуулуна туш болгонун билдирген.

Кирсановдун айтымында, Кыргызстанда мындай учурлар буга чейин да катталган. Эксперт бул окуя боюнча октябрь айынын башында 405 миң сом менен Молдованын жараны кармалганын эске салды.

"Биздин Тайвандагы кесиптешибиз өз өлкөсүндө жана башка мамлекеттерде бул сыяктуу учурлар көп эле кездешип жатканын айтты. Эл аралык ири топтор биздин өлкөгө да кириптир. Ошондуктан бизде коопттуу жагдай жаралууда", — деди Кирсанов.

Ошондой эле Кирсанов мындай көрүнүш коопсуздукту алдын алган адистердин аздыгынан жаралып жатканын белгиледи.

"Бул маселенин башталышы гана. Карапайым эл коркпой эле койсо болот, анткени хакерлер адамдарга эмес, ири суммадагы акча менен жакшы иштей албаган банктарга кол салат", — деп билдирди.

Буга карабастан хакерлердин курмандыгына айлануу тобокелчилиги жогору, атургай мындай терс аракетке эч ким жолтоо кыла албайт.

"Учурда онлайн-сервитсер абдан көп, банктар да интернет-банкингди пайдаланууну сунуштап келишет. Мында кардар өзү тууралуу маалыматты бүт бойдон чагылдырат да, кылмышкерлер бул учурду колдон чыгарбайт", — деди Кирсанов. 

Анын айтымында, кооптуулук интернет аркылуу соода жасоодо күч.

"Көптөгөн банктар виртуалдык карта түзүп, соода-сатык жасоодо ошол карта менен эсептешүүнү сунуштап жатат. Мындан улам түйүнгө чыныгы картадан эмес, виртуалдык картадан маалыматтар алынат", — деди эксперт.

Адис кардарларга интернет сатып алууда жана банкоматтардан акча чыгарууда сак болуусу керектигин эскертти.

Тема боюнча

Reuters: хакерлер Кыргызстан баштаган 10 өлкөнүн банкоматтарына кол салды
Террористтер хакерлердин торуна түштү
Белгилер:
кол салуу, банкомат, хакерлер

ЭҢ МААНИЛҮҮ