12:39 12 Бештин айы 2017
Түз эфир
АКШнын желеги. Архив

ЦРУнун мурдагы башчысы: АКШнын "Ислам мамлекети" менен болгон тиреши көпкө созулат

© Sputnik / Наталья Селиверстова
Ой-пикир
Кыскача шилтеме алуу
32 0 0

АКШнын борбордук чалгындоо башкармалыгынын мурдагы директорунун милдетин аткаруучу Майкл Морелланын айтымында, АКШ менен "Ислам мамлекети" террордук тобунун Сирия менен Ирактагы тиреши 20 жылга чейин созулушу мүмкүн.

БИШКЕК, 13-янв. — Sputnik. Сирия менен Ирактагы "Ислам мамлекети" террордук тобуна каршы АКШнын күрөшүү аракеттери 10-20 жылга чейин созулушу мүмкүндүгүн АКШнын борбордук чалгындоо башкармалыгынын мурдагы директорунун милдетин аткаруучу Майкл Морелл билдирди.

"Мен так мөөнөттү айта албайм. Балким ал 10, 15, 20 жылга чейин созулушу ыктымал", — дейт ал.

Морелл мындай пикирин АКШнын куралдуу күчтөр палатасынын комитетинин угууларында айтты.

2003-жылы АКШ Иракта Саддам Хусейндин бийлигине каршы аскерий кампанияны баштаган. Анын бийлиги кулатылгандан кийин өлкө аймагындагы түрдүү куралдуу күчтөргө карата аскерий операцияларын жүргүзгөн. 2011-жылы АКШнын аскерлери Ирактан чыгарылганы менен жергиликтүү күч түзүмдөрүнө кеңеш берүү үчүн Американын аскер кеңешчилери менен инструкторлор калган. 2015-жылы АКШ Ирак менен Сириядагы "Ислам мамлекети" террордук тобу менен күрөшүү үчүн атайын даярдыктагы аскерлерин жөнөткөн.

Тема боюнча

АКШ "Ислам мамлекетин" жасаган терактылары үчүн айыптады
ТВ: "Ислам мамлекети" Мосул шаарында 80 кишини атып салды
Белгилер:
терроризм, "Ислам мамлекети" террордук тобу, Ирак, Сирия
Колдонуу эрежелериПикирлер

ЭҢ МААНИЛҮҮ