Атайы бөлүктүн ардагери: террористтер Францияга качкын катары кириши мүмкүн

© AFP / DOMINIQUE FAGET Париждеги болгон теракт жайындагы полиция кызматкери. Архив
Париждеги болгон теракт жайындагы полиция кызматкери. Архив - Sputnik Кыргызстан
Жазылуу
Эксперт январь айында Charlie Hebdo журналынын редакциясына болгон чабуулду эске алуу менен кандайча мындай терактыга жол берилгени тууралуу башкы суроону Франциянын атайы кызматтарына берүү керектигин белгиледи.

БИШКЕК, 14-ноя. — Sputnik. "Ислам мамлекети" террористтик тобунун согушкерлери Францияга качкын кейпинде кириши мүмкүн экенин Париждеги жума күнкү теракты тууралуу айтып жатып россиялык "Альфанын" ардагери Сергей Гончаров билдирди.

"Бул окуя Францияны эле эмес, бүтүндөй дүйнөнү силкинтти. Бул кадимки террористтик чабуул. Бекеринен муну "француз 11-сентябры" деп аталган жок", — дейт Гончаров.

Париждеги теракт. Франциянын борборунан кадрлар
Анын айтымында, азырынча "Батаклан" театрындагы адамдарды барымтадан бошотуу боюнча полициянын аракетине баа берүү туура эмес — мында, биринчиден, толук маалыматка ээ болуу керек. Экинчиден укук коргоо органдары кабылган кырдаалды эске алуу зарыл, анткени бир эле учурда шаардын бир нече районунда жардыруу болгон.

Гончаровдун пикиринде, терактыларды Сириядан качкын катары Европага келген "Ислам мамлекетинин" согушкерлери жасашы мүмкүн.

"Бул толук ыктымал. Сириядан качкандарды карап көрсөк, баары тең алибеттүү, согушууга жөндөмдүү эркектер экенин байкоого болот", — дейт ал.

ТИМ Франциядагы террактыдан жабыркагандар ичинде КР жарандарынын бар-жогун териштирүүдө
Жума күнү кечинде Парижде терактылардын сериясы болду. Белгисиз адамдар 10-окруктагы ресторандын бирине ок чыгарып, Франция менен Германиянын футбол командалары беттешип жаткан "Стад де Франс" стадионунун жанынан үч жардыруу болгон. Оюнда Франция президенти Франсуа Олланд да бар экени айтылууда. Мындан тышкары, америкалык рок-группанын концерти өтүп жаткан "Батаклан" театрында 100дөй адам террорчулардын барымтасында калган. Париж мэриясынын айтымында, терактыдан 150гө чукул адам каза болгон. Театрдагы адамдарды барымтадан бошотуу маалында 110го жакын киши көз жумса, дагы 40 адам шаардын башка аймактарында набыт болгон.

"Ислам мамлекети" уюму дүйнөнүн башкы коркунучтарынын бири бул жөнүндө Sputnik инфографикасында окуңуздар>> 

Жаңылыктар түрмөгү
0