Эксперт: акчаны улуттук валютада, сом менен сактоого убакыт келди

© Sputnik / Табылды КадырбековЭкономикалык маселелер боюнча эксперт Нургүл Акимова. Архив
Экономикалык маселелер боюнча эксперт Нургүл Акимова. Архив - Sputnik Кыргызстан
Жазылуу
Экономикалык маселелер боюнча эксперт Нургүл Акимованын айтымында, өз каражаттарын сом менен сактаган кыргызстандыктар сомдун туруктуулугун камсыз кыла тургандыктарын, ал эми доллар менен сактагандар АКШ валютасынын туруктуулугун колдой тургандыктарын билдирди.

БИШКЕК, 14-июль — Sputnik. Доллардын курсунун улуттук валютага карата өсүшү финансы рыногундагы талаптын жогору болушуна байланыштуу экенин экономикалык маселелер боюнча эксперт Нургүл Акимова Sputnik сайтына билдирди.

Эгер 1-июлда бир АКШ доллары 62,14 сомго барабар болсо, 14-июлда анын наркы 62,7 сомго чейин кымбаттаган.

Акимованын айтымында, калк өз каражаттарын доллар же евро менен сактагандыктан чет элдик валютага ыңгайлуу шарт түзүлүп, жатканын билдирди.

"Жергиликтүү жана чет элдик инвесторлордун салым тууралуу ойлонгон маалы келди. Мамлекеттик ишканалардын кыш-күз мезгилине даярдык көрүүсү башталды. Алар мамлекеттик сатып алууларга катышуучуларды тандап, аларды пландап башташты. Албетте, мамлекеттин бизнес өнөктөштөрү чет элдик өнөктөштөрү менен товарларды алып келүү боюнча сүйлөшүүлөрдү баштады", — деди ал.

Акимова, өлкөгө алынып келе турган товарларды импорттоо үчүн иштер жалаң доллар менен сүйлөшүлөрүн баса белгиледи.

"Ушундан улам, банктар сомдун наркын көзөмөлдөп турууга аргасыз болууда. Алар сомдун кунун ылдый түшүрүп жибербей кармап турууга аракет кылышууда, антпесе өлкөдө инфляциянын деңгээли жогорулап кетет. Америка доллары канчалык көп сатылып алынган сайын аны кармап туруу ошончо оор. Өлкөнүн бир катар активдери доллардын курсунан көз каранды экенин унутпашыбыз керек. Анын ичинде тышкы карыз, кыймылсыз мүлктүн баасын да эске алуу керек. Андыктан, доллардын өсүшү көптөгөн ыңгайсыздыктарды жаратышы ыктымал", — деп кошумчалады Акимова.

Ал ошондой эле, долларга болгон талаптын өсүшүнө Европа биримдигиндеги абал да таасир тийгизгенин айтты. Себеби, дүйнөлүк ири компаниялар долларды туруктуу валюта катары карап, еврону колдонбой калышканын кошумчалады.

Эксперт жергиликтүү тургундарга алтын куймаларын сатып алууну сунуштайт, себеби анын пайдалуулугу жогору жана тобокелдиги аз.

Жаңылыктар түрмөгү
0