Кыргызстандык эксперт: НАТОнун айткандары ишеним жаратпайт

© AFP / Sergei SupinskyУкраинанын жоокери. Архив
Украинанын жоокери. Архив - Sputnik Кыргызстан
Жазылуу
НАТОнун жана америкалык ведомтсовлордун катуу билдирүүлөрү көп учурда ырасталбай калат деп эсептейт Федоров.

БИШКЕК, 7-июль — Sputnik. Тарыхый тажрыйбаны эске алганда, НАТОнун айткандары анча ишеним жаратпайт деп эсептейт ички иштер министрдин мурдагы орун басары, Кыргызстан президентинин администрациясынын коргоо жана коопсуздук бөлүмүнүн мурдагы башчысы Дмитрий Федоров.

НАТОнун башкы катчысы Йенс Столтенберг Укринформ маалымат агенттигине берген маегинде Украинанын чыгышындагы ыктыярчыларга Россия тараптан олуттуу колдоо көрсөтүү дагы эле улантылып жатат жана акыркы айларда бир миңден ашык оор курал-жабдыктар берилди деп билдирген.

"НАТОнун жана башка америкалык ведомтсовлордун катуу билдирүүлөрү көп учурда ырасталбай калат. БУУнун имаратындагы массалык киши өлтүрүүчү курал — колбага байланышкан окуя жана башка көп сандагы фактылар алардын ачыктан-ачык эле жалган айтууларына күбө", — дейт Федоров.

Эксперттин айтымында, азыркы байкоо салуу боюнча заманбап техникалар куралдарды жашыруун алып келүүгө мүмкүндүк бербейт. Эгер НАТОнун спутниктен тартылган сүрөт же чалгындоонун сүрөт же видео менен тастыкталган маалыматтары сыяктуу далилдери болгондо, аны сөзсүз көрсөтүшмөк. 

"Бирок алар эч нерсе көрсөткөн жери жок да, ушул фактты эле башка эл аралык көйгөйлөрдөн дагы бир жолу алагды кылуу аракети деп баалоого болот. Менимче, алар муну аргасыздан кылып жатышат", — дейт күч кызматкери.

Мамлекеттик деппартаменттин же башка ведомстволордун интернет булактарына далил катары шилтеме жасашы адистерлин күлкүсүн гана келтирет деп эсептейт Федоров.

НАТО аскери. Архив - Sputnik Кыргызстан
НАТО ордуна ЕБ аскери келиши керек дейт европалыктардын үчтөн бири
Албетте, Россия тарап Донбасска колдоо көрсөтүүдө, бирок ок атууларга дуушар болгон калкка арналган гуманитардык жүктөрдү курал-жарак ташуу деп баалоо акылсыздык деп сөзүн аяктады Федоров.

Мурдараак Россиянын Коргоо министрлиги ыктыярчыларга аскер техникасын, курал-жарактарды ж.б. эч бербегендигин бир нече жолу билдирген. Бул боюнча Киевдин айткандарын коргоо ведомствосунан "эч кандай сынга татыбай турган" "болбогон кеп" деп аташкан. Россиянын ТИМ башчысы Сергей Лавров РФтин аскерлери Донбасста бар деген билдирүүлөр далилсиз экендигин, азыркыга чейин бир нече жолку айыптоолорго карабай, эч ким конкреттүү фактыларды келтире албагандыгын билдирген.

Жаңылыктар түрмөгү
0