12:49 26 Бирдин айы 2020
Түз эфир
  • USD69.8500
  • EUR75.8850
  • RUB1.0759
Ой-пикир
Кыскача шилтеме алуу
40 0 0

Россиянын эл аралык маселелер боюнча кеңешинин эксперти Никита Мендкович экстремисттик топторго азгыруучулар кимдердин изине түшүп жатканы, эмне үчүн алар Афганистанда эмес, Сирияда согушканды артык көрүшөрү жана алардын артында кайсы күчтөр турганы жөнүндө айтып берди.

БИШКЕК, 16-июнь — Sputnik. Россиялык эксперт Никита Мендкович өзүнүн "Кыргызстан үчүн террористтик коркунучтар" баяндамасынын алкагында экстремисттик уюмдардын иш схемасын ачып берди.

Мендкович белгилегендей, жарандарды акча берем деп алдап азгыруулар азыр анча көп эмес. Экстремисттер көпчүлүгү өз идеяларына ишендирип азгырышат. Башын айлантып согуш аракеттери жүрүп жаткан аймактарга жиберген кыргызстандыктардын саны күн санап өсүүдө.

"Афган бийлигинин эсеби боюнча, 2015-жылы январда Афганистанга согушчандар менен катышы бар 400 үй-бүлө келген. Түндүк Афганистанга эки миңге жакын согушчандар барган, алардын басымдуу бөлүгү КМШ өлкөлөрүнөн чыккандар", — деп билдирди эксперт.

Ал азгыруучулар жаш жана жумушсуз адамдарга кызыгышарын айтты. Аларга психологиялык таасир берип, башын айлантып алган соң виза алып беришет. Билим алуу үчүн деген шылтоо менен алар согуш аракеттерин жүргүзүүнү үйрөтө турган атайын борборлорго, андан кийин чыр-чатак жүрүп жаткан жерлерге жөнөтүлөт. 

"Бирок Афганистанда согушчандар оор шарттарда турушат жана жаңы операцияны бир нече айлап күтүүгө туура келгендиктен, көпчүлүгү согуш аракеттери бир топ катуу жүрүп жаткан Сирияга кетишет", — деп айтып берди Мендкович.

Эксперт кыргызстандыктарды согуш аракеттерине азгырып кетүү менен алектенүүчү радикалдык уюмдарды атады. Аларга "Түркстандын ислам кыймылы", "Ислам жихады" биримдиги, "Жамаат Ансаруллох", "Жамаат Булгар", "Жундалла", "Имарат Кавказ", "Ансар аль-Асир", "Ансар уль-Уллох", "Кыргызстан Калканы" кирет.

Тема боюнча

Карамушкина: КРде экстремизмге аралашкан аялдар көбөйүп баратышы тынчсыздандырат
Бишкекте экстремизм жана такфиризм көйгөйлөрү боюнча эл аралык жыйын башталды
Сирияга кете турган 24 жаштагы үч жаранды Кыргызстанда калууга ынандырышты
Белгилер:
экстремисттер, терроризм, Никита Мендкович, Афганистан, Сирия

ЭҢ МААНИЛҮҮ