10:57 02 Жалган Куран 2021
Түз эфир
  • USD84.7835
  • EUR102.2065
  • RUB1.1450
Ой-пикир
Кыскача шилтеме алуу
Жоомарт Оторбаевдин отставкага кетүүсү (13)
101 0 0

Кумтөр маселеси боюнча канадалыктар менен "макулдашууга" мүмкүндүк алуу үчүн премьер-министрликке өз кишисин алып келүүнү каалагандар көп. Мындай сүйлөшүүлөрдөн түшчү акчага саясий күчтөр шайлоо алдындагы иш-чараларын өткөрүү ниетинде деп билдирди саясат таануучу.

БИШКЕК, 24-апр. — Sputnik. Өкмөт башчысынын орду күн мурун сатып алынган деди Sputnik кабарчысына саясат таануучу Табылды Акеров.

Жоомарт Оторбаев бейшемби күнү парламант өкмөттүн 2014-жылдагы ишин канааттандырарлык деп тааныгандан кийин өзүнүн отставкага кетүүсү жөнүндө билдирген.

Акеровдун айтымында, көпчүлүк саясий күчтөр Оторбаевди түшүрүш үчүн каалаган суммадагы акча жумшашы мүмкүн. Эксперт муну "канадалыктар менен Кумтөр боюнча макулдашуу мүмкүнчүлүгү утушка коюлганы" менен түшүндүрөт.

"Премьер-министрликке өз кишисин алып келип, анын аркасы менен парламенттик шайлоого керек боло турган өзүнүн каржылык абалын бекемдөөгө жетишүүнү каалагандар көп", — деп эсептейт Акеров.

Ким премьердин ордун сатып алды деп ойлойсуз деген суроого саясат таануучу бул жаңы өкмөт башчысы дайындалганда гана белгилүү болот деп жооп берди. 

"Кайсы саясий топторго ал жакын болсо, акчаны ошолор төлөгөн болот", — деп баса айтты Акеров.

Жаңы премьер жөнүндө өз божомолдорун билдирип жатып, саясат таануучу азыркы экономика министри Темир Сариевдин бул кызматка дайындалышын четке какты. Бул орунга Кыргызстандын өзгөчө кырдаалдар министрлигинин башчысы Кубатбек Боронов келиши мүмкүн дейт ал. Саясат таануучунун айтымында, аны КСДП көрсөтөт. Бул талапкерди президент Алмазбек Атамбаев да ылайык табат, себеби парламенттик шайлоонун алдында өлкөнүн түштүгүнүн да кызыкчылыгы эске алынат дейт Акеров.

Мурдагы вице-премьер Токон Мамытов Sputnik кабарчысына премьердин ордуна киши табуу кыйын болот, себеби азыркы шарттарда бул ишке макул болуучу адамды табыш кыйын деген оюн айтты. 

"Мен да, башкалардын көпчүлүгү да буга макул болбойбуз. Ошол эле Темир Сариев да буга барбайт деп ойлойм", — деп кошумчалады Мамытов.

Ал өзүнүн аскер кызматкери болгондугу үчүн гана министрлер кабинетинин башчылык орду ага сунушталса, "өз ыктыярына каршы" кабыл алмак экенин айтты.

Тема:
Жоомарт Оторбаевдин отставкага кетүүсү (13)

Тема боюнча

Кызматтан кетүү боюнча Оторбаевдин билдирүүсү
Оторбаевдин отставкага кетүү жөнүндөгү арызы президентке келе элек
Белгилер:
Шайлоо-2015, отставка, Кумтөр, Кубатбек Боронов, Темир Сариев, Жоомарт Оторбаев, Табылды Акеров

ЭҢ МААНИЛҮҮ