Эске салсак, шайлоонун жыйынтыгына нааразы болгон эл 6-октябрда митингге чогулуп, түнкү саат үчтөрдө Ак үйдү алган. Бул окуядан соң премьер-министр менен ЖК төрагасы кызматынан кеткен. Ал эми президент Сооронбай Жээнбеков саясий күчтөрдү диалогго чакырды.
Толкундоодон кийин Ош шаарында аны колдогон жана парламенттик шайлоонун жыйынтыгына, президентке нааразы болгон митингдер башталган. Шаар мэри менен облус жетекчисинин кызматы талашка түшкөн.
Ош шаарында митингдер токтоп, бүгүн кечинде абал тынч. Борбордук аянтта боз үйлөр турат. Аларга жарык киргизүү иштери жүрүп жаткандыгын байкоого болот.
Ошто президент Сооронбай Жээнбековду колдоп митингге чогулгандар тарап кетишти. Учүрда боз үйлөрдүн жанында бир аз эле адам калды.
"Мен мэр болбойм, Таалайбек Сарыбашов менен кырдаалды турукташтырууну сүйлөшүп жатабыз", -деген бүгүн журналисттер менен сүйлөшүп жатып Оштун мурдагы мэри Мелис Мырзакматов.
Ош шаарынын мурдагы мэри Мелис Мырзакматов: Мен келерим менен Сооронбай Жээнбеков өзү чалды. Ал кырдаалды турукташтырууга жардам бер деди.
"Ош облустук ички иштер башкармалыгы кылмыштуулук менен күрөшүүдө коомдук тартипти камсыз кылууда күчөтүлгөн режимде иш алып барууда. Кыргызстандагы саясий окуялардан соң айрым жерлерде белгисиз жарандардын тобу райондук администрация, соода түйүндөрүнө барып мыйзамсыз аракеттерди жасоого аракеттер болуп жатат", - деп айтылган маалыматта.
Мындан улам ыктыярдуу элдик кошуундар менен ички иштер органдары биргеликте иш алып барышууда.
2020-жылдын 7-октябрь күнү Ош облусунун Алай, Араван, Ноокат, Кара-Кулжа, Кара-Суу, Өзгөн, Чоң-Алай райондорунда коомчулуктун өкүлдөрү менен райондук ички иштер бөлүмдөрүнүн кызматкерлери менен биргеликте иш ордуна бөлүштүрүү нускамасы өткөрүлдү. 24 саат бою коомдук тартипти биргеликте камсыз кылышат
Үн күчөткүч менен бүгүн тынчтык митингине келишкенин айтышууда. Колдоруна "Легитимдүү президент Сооронбай Жээнбеков!", "Бизге стабилдүүлүк, мыйзамдуулук керек!", "Укуктук талаага мамлекеттик кызматкерлер кайтсын!" деген плакаттарды көтөрүп турушат.
"Калсын", "Колдойбуз" деп кыйкырышууда.
Ош шаарынын борбордук аянтына беш боз үй тигилди. Учурда чогулган элдин саны 300дөн ашып калды. Боз үйлөрдүн артына тамак-аш ичүүгө ылайыкташтырып столдорду коюшту.
