00:56 20 Тогуздун айы 2018
Түз эфир
  • USD69.3251
  • EUR79.3703
  • RUB1.0533
Зарубежные страны: Сирия

Мамбеталиев: азгырылган жарандарды Сирияга жөнөтүп туруучу төрт багыт табылды

© Sputnik / Алексей Даничев
Жаңылыктар
Кыскача шилтеме алуу
70 0 0

ИИМдин Онунчу башкармалыгы түштүк аймакта экстремисттик маанайдагы кылмыштардын алдын алуу жана аны токтотуу боюнча иш-чараларды жүргүзүүдө.

БИШКЕК, 25-дек — Sputnik. Экстремизм, терроризмге каршы күрөшүү максатында биргелешип иш алып баруу боюнча ички иштер органдары, ИИМдин Онунчу башкармалыгы түштүк аймактарда эл менен жолугуп, түшүндүрүү иштерин баштады.

ИИМдин Онунчу башкармалыгынын жетекчиси Рафик Мамбеталиев тартип коргоо органдары диний уюмдар, жергиликтүү калк менен жолугуп, экстремисттик уюмдарга азыгырылып кетпөөнүн жол-жоболорун түшүндүрүп жүрүшөт. 

"Азыр адамдардын согушка азыгыруунун жаңы түрү – интернеттеги социалдык тармактар болуп баратат. Сирияда туруп алып тааныштарын, классташтарын "Одноклассники" жана "Фейсбук" аркылуу азгырганга аракет кылган кыргызстандын жараны аныкталды", — деди Мамбеталиев.

Мындай фактыларды тартип коргоо органдары карап, тактап жатат. Андан сырткары чыр-чатактар жүрүп жаткан аймакка кишилерди төрт жол менен алып чыгып турушкан.

"Алгач кишилерди Россияга, Украинага, Грузияга алып чыгып, андан соң Түркияга андан ары Сирияга жөнөтүп турушкан. Мындай ыкма менен кеткендердин санын тактоо кыйын болуп жатат, себеби, алар эмгек мигранттары катар Россияга жана башка өлкөлөргө чыгып кетишкен. Алардын андан кийинки тагдыры, эмне болгондугун туугандары да билишпейт" — деп түшүндүрдү милициянын полковниги. 

Андан сырткары Ош шаарынан да чыгарып кеткен жол бар. Мамбеталиевдин айтымында, биздин республиканын жарандары делген 200дөн ашуун адам Сирияда жүрөт. 

Күч түзүмдөрү Кылмыш Кодексинин 375-беренеси "Жалданмачылык" (үч жылдан жети жылга чейин эркинен ажыратуу каралган) боюнча айып тагылган адамдын ишин сотко өткөрүп берди. "Жалданмачыны жалдоо, үйрөтүү, каржылоо же материалдык жагынан камсыздоо аны куралдуу кагылышта же согуштук аракеттерде пайдаланууга тете. Бул боюнча төрт жылдан сегиз жылга чейинки мөөнөткө эркиндигинен ажыратууга жазаланат.

ИИМдин Онунчу башкармалыгынын жетекчиси экстремизм, терроризмге каршы ИИМ менен Улуттук коопсуздук кызматы биргелешип иштегени майнаптуу болорун билдирди. Бул багытта эки түзүм биргелешип жыйын өткөргөн. 

Мамбеталиев аймактагы диний экстремизм жана терроризмдин, ага кошумча этникалык чыр-чатактардын алдын алууда тартип коргоо органдарынын, анын ичинде участкалык милиция кызматкерлеринин эл менен биргелешип иштөөсү жакшы натыйжа берерин билдирди.

ИИМдин Онунчу башкармалыгынын жетекчилиги менен алдын алуу иштери Баткен, Ош жана Жалал-Абад аймактарында жана Ош шаарында өткөрүлүүдө. 

Жаштардын чет өлкөлөрдөгү диний-экстремисттик уюмдарга берилип кетүүсүнө жол бербөө максатында мындай иш чараны УКМК да өткөрүп келет.

Тема боюнча

Сирия БУУдан Израилге каршы санкцияларды киргизүүнү талап кылды
Сирия көйгөйү боюнча түшүндүрүү иштери Нарындан башталды
Сирия синдрому кыргыз коомчулугун да түйшөлтүүдө
Белгилер:
Рафик Мамбеталиев, Грузия, Украина, Россия, Түркия, Сирия
Колдонуу эрежелериПикирлер

ЭҢ МААНИЛҮҮ