Элчилик Москва полициясы кармаган 29 кыргызстандыкты бошотууга көмөктөштү

© Sputnik / Александр Кряжев / Медиабанкка өтүүНовосибирский метрополитен на станции "Площадь Ленина"
Новосибирский метрополитен на станции Площадь Ленина - Sputnik Кыргызстан, 1920, 17.08.2021
Жазылуу
Административдик укук бузууга айыпталган 23 кыргызстандык кайра бошотулган. Ал эми майда бейбаштык кылгандардын төртөө 15 суткага камалды. Экөө айып пул төлөп чыкты.

БИШКЕК, 17-авг. — Sputnik. Кыргызстандын Россиядагы элчилиги Москвада коомдук тартипти бузууга айыпталып полиция тарабынан кармалган мекендештер тууралуу маалымат берди.

Билдирүүгө ылайык, 14-августта элчиликтин ыкчам линиясына "Нагатинская" жана "Новослободская" метростанцияларынын жанында Кыргызстандын 23 жараны кармалганы туурасында маалымат түшкөн.

"Консулдук бөлүмдүн кызматкерлери укуктук жардам көрсөтүү максатында Нагатинский Затон районунун Ички иштер башкармалыгына жана №4 полиция бөлүмүнө барышты. Сүйлөшүүлөрдүн жүрүшүндө КР жарандары административдик укук бузганы аныкталды", — деп айтылат маалыматта.

Консулдук кызматкерлердин өз ара аракети менен тиешелүү процедуралар аткарылып, административдик протоколдор түзүлгөндөн кийин бардык жарандар бошотулган.

Массалык мушташ. Архив - Sputnik Кыргызстан, 1920, 14.08.2021
ЖМК: Россияда мушташка катышкан 26 кыргызстандык депортацияланды
Мындан сырткары, Москванын "Царицыно" районунда алты мекендеш кармалып, полиция бөлүмүнө жеткирилген.

"Борбор Азия өлкөлөрүнөн барган жигиттер футбол ойноп жатып айтыша кетишкен. Мындан улам жакын жердеги үйлөрдө жашаган тургундар полиция чакырышканы белгилүү болду. Полиция бөлүмүнө консулдуктун кызматкерлери барып укуктук жардам көрсөттү", — деп билдирди элчилик.

Жыйынтыгында кыргызстандыктардын экөө 500 рубль административдик айып салуу менен бошотулган, төртөө 15 суткага камакка алынган.

Элчилик тарабынан тийиштүү чаралар көрүлүп жатканы айтылды.

Жаңылыктар түрмөгү
0