06:03 18 Баш оона 2019
Түз эфир
  • USD69.7979
  • EUR77.3640
  • RUB1.0576
Нарынга жайгашкан памир кыргыздары. Архивдик сүрөт

Памирден келген этникалык кыргыздарга жарандык берүү маселеси көтөрүлдү

© Sputnik / Таалайгуль Усенбаева
Миграция
Кыскача шилтеме алуу
Памирлик кыргыздар (79)
450 0 0

Депутат эгер аларга жарандык берилсе, социалдык маселелери оңой чечилмектигине токтолду.

БИШКЕК, 30-май — Sputnik. Жогорку Кеңештин депутаты Зиядин Жамалдинов Памирден көчүрүп келген этникалык кыргыздарга жарандык берүү маселесин тез аранын ичинде чечип, өкмөткө тапшырма берүү керектигин парламенттин жалпы жыйынында айтты.

Эл өкүлү памирлик туугандар Кыргызстандан окуйбуз, дарыланабыз деген илгери үмүт менен келгенине токтолду.

"Бүгүнкү күнү алар жарандык алалы деген маселени көтөрүп жатышыптыр. Өткөндө ушул маселеге тышкы иштер министринин кеңешчиси: "Бул туура эмес, болбойт. Афган мамлекети менен мамилебизди бузуп алабыз",- деген сөздөрдү айтыптыр. Бул маселе боюнча тышкы иштер министринин кеңешчиси эмес, анын орун басары же башкармалыктардын жетекчилери айтса туура болмок", — деди Жамалдинов.

Депутат, андан сырткары, өкмөткө афган тарап менен сүйлөшүүлөрдү жүргүзүүгө тапшырма берүү керектигин белгиледи.

"Эгер алар (памирлик кыргыздар — ред.) бул жакта калабыз, жарандык алабыз десе, аны тез аранын ичинде чечиш керек. Андан кийин ошолорго жер берип, иш менен камсыз кылуу зарыл", — деди ал.

Жамалдинов учурда Памирден келген боордоштордун жашоо-турмушу аябай оор болуп жактанын, жарандык берилсе ишке орношуу, жөлөк пул алуу маселелери да оңой чечилмектигин кошумчалады.

Эске салсак, 2017-жылдын октябрь айында Памирде жашаган 33 этникалык кыргыз тарыхый мекенине өкмөт тарабынан көчүрүлүп келип, Куланак айылына отурукташкан. Кийин 2018-жылы жазга жуук дагы бир нече адам келген.

Ал эми 6-июлда 18 киши жайкы каникулга карата Бишкектен Памирди көздөй сапар алышкан.

Тема:
Памирлик кыргыздар (79)

Тема боюнча

National Geographic Памирдеги кыргыз кыздарынын сүрөтүн жарыялады
Кыргызстанга келген дагы бир памирлик үй-бүлө Ат-Башыга жайгашты
Белгилер:
Жогорку Кеңеш, памирлик кыргыздар, Зиядин Жамалдинов

ЭҢ МААНИЛҮҮ