19:13 16 Тогуздун айы 2019
Түз эфир
  • USD69.8500
  • EUR77.0865
  • RUB1.0855
Паспортко мөөр басуу. Архивдик сүрөт

УКМК: мөөр басып берүү үчүн алты кишиден 900 доллар алган чек арачы кармалды

© Sputnik / Андрей Александров
Миграция
Кыскача шилтеме алуу
458 0 0

Териштирүү маалында белгилүү болгондой, сөз болуп жаткан алты ирандык Кыргызстандын аймагына таптакыр кирген эмес.

БИШКЕК, 1-апр. — Sputnik. Улуттук коопсуздук мамлекеттик комитети (УКМК) Кыргызстанды транзиттик өлкө катары пайдаланып өтүүнү көздөгөн чет элдик жарандарды мыйзамсыз каттоого алган чек арачыны кармап, кылмыш ишин козгоду. Бул тууралуу УКМКнын маалымат кызматынан билдиришти.

"Иликтөө маалында Мамлекеттик чек ара кызматынын "Манас аэропорту" өткөрүү пунктунун кызматкери ирандык алты жаранды Сырткы миграция бирдиктүү сиситемасына мыйзамсыз каттоого алып, паспортторуна "Кыргызстанга кирди" делген мөөр басып бергени белгилүү болду", — деп айтылат билдирүүдө.

Териштирүү маалында белгилүү болгондой, сөз болуп жаткан алты ирандык Кыргызстандын аймагына таптакыр кирген эмес. Чек арачы алты киши үчүн 900 доллар пара алганы айтылды.

Ирандыктарды Кыргызстан аркылуу, бирок башка жолдор менен алып өтүү көздөлгөн.

Аталган факты боюнча КРдин Жазык кодексинин 320 ("Кызматынан кыянаттык менен пайдалануу"), 329 ("Кызматтык жасалмалуулук") жана 325-беренелери ("Пара алуу") менен кылмыш иши козголду.

Тема боюнча

Дарыгерлерди алдап жүргөн! УКМК жалган кызматкеринин видеосун жарыялады
Белгилер:
миграция, мөөр, чек арачы, аэропорт, УКМК, Кыргызстан

ЭҢ МААНИЛҮҮ