ИИМ: кыргызстандык мигранттын кулчулугу тууралуу жазуу жөнсүз тамаша болуп чыкты

© Фото / Нурбек У.Маркер менен жазылган жазуу түшкөн жыгач тактайлардын сүрөтү
Маркер менен жазылган жазуу түшкөн жыгач тактайлардын сүрөтү - Sputnik Кыргызстан
Жазылуу
Милиция мындай кырдаал менен ою бузуктар пайдаланып, ачка талап кылышы мүмкүн экенин эскертет.

БИШКЕК, 11-июн — Sputnik. Кыргызстандык мигранттын кулчулугу жана анын жардам сурап кайрылганы орунсуз тамаша болуп чыкты. Бул тууралуу Sputnik Кыргызстан агенттигине ИИМдин Россиядагы өкүлү Аскат Алиев билдирди.

Кишен. Архив - Sputnik Кыргызстан
Кыргызстанда кулчулукка кабылган 28 миңге жакын киши бар экени эсептелди
Буга чейин соцтармактарда маркер менен жазылган жазуу түшкөн жыгач тактайлардын сүрөтү пайда болгон. Андагы маалыматтар боюнча Россиядан жүктөлүп келген тактайда болжол менен Томскиде жашаган кыргызстандык мигранттын жардам сурап кайрылганы жазылган. Аты-жөнү так көрсөтүлбөгөнү менен Интернетте ал Турдубек Кубанычбеков экени айтылган.

Алиевдин айтымында, өкүлчүлүктүн кызматкерлери жазууну ким жазганын аныктап чыгышкан. 

"Жардамга муктаж мигрант Каракол шаарында төрөлгөн 20 жаштагы Куанычбеков Төрөбек Куанычбекович болуп чыкты. Ал Томск архитектуралык-курулуш университетинин экинчи курсунун студенти, окуу жайдын жатаканасында жашайт", — деди ал. 

Алиев студент бош болгондо достору менен жергиликтүү тактай тилүүчү жайда иштей турганын айтып бергенин маалымдады.

"Машиналарга жыгач жүктөп иштейт экен. Ал достору тамашага салып, жардам керек деп жазып койсо керек дейт. Тактайдагы жазууну ажыратып окуу деле кыйын, так маалымат жок экенин айтты", — деди өкүл.

Милиционер мындай кырдаал менен ою бузуктар акча алуу үчүн пайдаланып коюшу мүмкүн экенин эскертти.

"Мындай билдирүүлөргө этият мамиле жасоо зарыл. Актыларды текшерип, расмий булактарга гана ишенгиле. Учурда ар кандай сценарий менен акча алып такшалып калган шылуундар бар", — деди ал. 

Буга чейин Кыргызстандын Россиядагы элчилиги мигрант тууралуу маалыматты тактап жатканын билдирген.

Жаңылыктар түрмөгү
0