БИШКЕК, 20-ноя. — Sputnik. Пулково аэропортунун коомчулук менен байланышуу жана реклама кызматынын жетекчиси Игорь Лаптев Орто Азиялык жарандардын жумушка албай тургандыгы тууралуу чечимге түшүндүрмө берүүдөн баш тартты.
Буга чейин айрым маалымат каражаттарында Санкт-Петербург шаарындагы аэропорт Орто Азия мамлекеттеринин жарандарын жумушка албай турганын жарыялаган.
Пулково аэропортунун маалымат катчысы Маргарита Потехина абалга түшүндүрмө берүүдөн баш тартты.
"Комментарий берилбейт. Ушинтип жазып койсоңор болот", — деди ал.
Потехина айтканына башка эч нерсе кошумчалай албай турганын белгиледи.
Аэропорттун коомчулук менен байланышуу жана реклама кызматынын жетекчиси Игорь Лаптев да ошол эле сөздү кайталады.
"Бул маселеге эч кандай түшүндүрмө берилбейт", — деди ал.
Санкт-Петербург жана Ленинград облусу боюнча ФСБ башкармалыгынын алдындагы "ишеним телефонунун" кызматкери оозеки тыюу салуу ал буйрук катары кабыл алынбай турганын белгиледи. Андыктан, башкаруу компаниясы жеке ишкана болгондуктан, тыюу салууну ишке ашырууга да, же аткарбай коюуга да укуктуу.
"Бардык маалымат расмий сайтта жайгашкан", — деди кызматкер.
Ал эми Санкт-Петербург жана Ленинград облусу боюнча ФСБ башкармалыгынын нөөмөтчүсү алар түшүндүрмө бербей турганын, бирок тийиштүү маалыматты электрондук дарек же факс аркылуу сурам менен кайрылып алууга боло турганын белгиледи.
Шейшемби күнү ФСБ жетекчиси Александр Бортников Египеттен Санкт-Петербургду көздөй сапар алган A321 учагы терактыдан улам кыйроого учураганын билдирген. Буга байланыштуу президент Владимир Путин ТИМге терактыга тиешеси бар адамдарды издөө жана жазага тартуу боюнча жардам көрсөтүү өтүнүчү менен бардык өнөктөштөргө кайрылууну тапшырган.
Россия жана советтик авиациянын тарыхындагы ири авиакырсык 31-октябрь күнү болду. Шарм-эш-Шейхтен Санкт-Петербургду көздөй учкан "Когалымавиа" компаниясынын Airbus-321 учагы Синай жарым аралында кыйраган. Мындан 217 жүргүнчү жана экипаждын 7 мүчөсү каза болду.
