ЕАЭБде Кыргызстандык мигранттардын ишке орношуу машакаты азаймакчы

© Sputnik / Виталий Аньков / Медиабанкка өтүүРоссиянын Федералдык миграциялык кызматчысы документ карап аткан кези. Архив
Россиянын Федералдык миграциялык кызматчысы документ карап аткан кези. Архив - Sputnik Кыргызстан
Жазылуу
ЕАЭБ өлкөлөрүнөн иштегени келген жарандардан ишке орношуу үчүн мурдагыдай уруксат кагазы же патент талап кылынбайт.

БИШКЕК, 14-май — Sputnik. ЕАЭБ алкагында жакынкы арада кыргызстандык мигранттардын келип иштеши бир топ жеңилдейт деп билдирди маалымат жыйынында Эмгек, миграция жана жаштар министри Айбек Азыранкулов.

Айдоочулук күбөлүк. Архив - Sputnik Кыргызстан
РФте мигранттар айдоочулук күбөлүктөргө байланыштуу ыңгайсыздыкка кабылууда
8-майда Евразиялык экономикалык биримдиктин биринчи саммитинде Кыргызстандын экономикалык альянска кириши боюнча акыркы документтерге кол коюлган. 

Азыранкуловдун айтымында, ЕАЭБ өлкөлөрүнөн иштегени келген жарандардан ишке орношуу үчүн мурдагыдай уруксат кагазы же патент талап кылынбайт.

"Каттоодон өтүү мөөнөтү мурдагыдай жети күн болбой, 30 күнгө чейин узарат. Мындан сырткары билими туурасындагы документтер да таанылат", — деди министр. 

Медициналык чыгымдарды иш берген тарап көтөрөт.

"Эмгек мыйзамдары бардык эмгек мигранттарына жергиликтүү жарандар менен бирдей тиешелүү болот", — деп кошумчалады Азыранкулов. 

Газетадан жумуш караштыруу. Архив - Sputnik Кыргызстан
Премьер ЕАЭБ алкагында ишке орноштуруу боюнча маалыматтык кампания өткөрүүнү тапшырды
Евразиялык экономикалык биримдиктин планында миграциялык карталарды жокко чыгаруу жана пенсиялык камсыздоону жөнгө салуу суроолору каралган. Тактап айтканда, пенсиялык которуулар боюнча өз ара эсептешүү жүргүзүлүп, медицианык камсыздоо жана башка жөлөк пулдарды берүү каралган. 

Россиянын Федералдык миграциялык кызматынын жана Миграция боюнча эл аралык уюмдун өкүлдөрү жакынкы арада ЕАЭБге мүчө өлкөлөрдө, Россия, Казакстан, Белоруссия жана Арменияда кыргызстандык эмгек мигранттарынын жашап, иштеши бир топ жеңилдерин айтышты. Бул боюнча тиешелүү макулдашуулар ЕАЭБдин №26 келишиминде каралган.

Жаңылыктар түрмөгү
0