БИШКЕК, 4-ноя — Спутник Кыргызстан. Учурда Россияда 350 миңден 570 миңге чейин кыргызстандык бар.
"Эксперттик-аналитикалык баалоо боюнча чет өлкөдө 350 миңден 700 миңге чейин кыргызстандыктар эмгектенет. Россиянын федералдык миграция кызматынын маалыматы боюнча үстүбүздөгү жылдын 1-январынан 1-сентябрга чейин Россияга 421,7 миң кыргызстандык жаран кирсе, 373,8 миң жаран өлкөдөн чыккан", — деп айтылат аталган билдирүүдө.
Расмий маалыматтарга ылайык, кыргызстандык эмгек мигранттар эң көп болгон экинчи өлкө – Казакстан. 2013-жылдын декабрь айына алынган маалымат боюнча коңшу мамлекетте 85 440 кыргызстандык жаран расмий түрдө каттоого алынган.
