14:45 12 Жетинин айы 2019
Түз эфир
  • USD69.8426
  • EUR77.0294
  • RUB1.0928
Инфографика

Кызганып, тыйып, зордуктап... Бишкектик эркектер түгөйлөрүнө кандай мамиле жасайт

Кыскача шилтеме алуу
482 0 0

Шаардын ар бир онунчу тургуну аялына (сүйлөшкөн кызына) курбусу менен жолугууга тыюу саларын билесизби? Бишкектик кыз-келиндер жакын адамы кандай мамиле кыларын айтып берген. Жоопторду Sputnik Кыргызстан агенттигинин инфографикасынан көрүңүздөр.

Ар бир үчүнчү бишкектик анын аялы башка эркек менен сүйлөшсө, кызганып, ачууланат. Ушул жана башка кызыктуу фактыларды Улуттук статистика комитетинин адистери аныктап чыкты. Алар төрт райондун жана он конуштун (Ак-Ордо, Рухий Мурас, Ак-Бата, Эне-Сай, Бакай-Ата, Ак-Тилек, Мурас-Ордо, Калыс-Ордо, Жеңиш, Көлмө) жашоочуларынын арасында сурамжылоо жүргүзүшкөн. Анкетаны 18 жаштан 65 жашка чейинки 1090 аял толтурган.

Иликтөө өткөн жылдын ноябрь-декабрь айларында БУУнун Баңгизат жана кылмыштуулук боюнча башкармалыгы менен биргеликте жүргүзүлгөн.

Аялдардан жеке мамиледе кабылган чектөөлөр тууралуу сурашкан. Бишкек шаары менен жаңы конуштагы кыз-келиндердин көбү жигити же күйөөсү кайда жүргөнүн билдирип турууну дайыма талап кыларын белгилеген. Мындай жоопту борбор калаада сурамжылангандардын 38 пайызы, жаңы конуштагылардын 42 пайызы берген.

Ал эми бишкектиктердин 36 пайызы башка эркектер менен сүйлөшсө, түгөйү ачууланарын айтышкан. Ал эми жаңы конуштарда жашагандарда бул сан көбүрөөк.

Сурамжылоого катышкан ар бир онунчу аял күйөөсү (жигити) курбулары менен көрүшүүгө тыюу саларын билдирген. Конуштарда жашагандардын 17 пайызы дагы ушул жоопту берген.

Ошондой эле иликтөөчүлөр шаар менен жаңы конуштун тургундарынан үй-бүлөлүк зомбулуктун кайсы түрүнө кабыларын сурашкан. Ага ылайык, бишкектиктердин алты пайызы психологиялык, беш пайызы ур-таяктан, үч пайызы сексуалдык зомбулуктан жабыркайт.

Ал эми жаңы конушта сурамжылангандардын 11 пайызы психологиялык кысымдан, 16 пайызы ур-тепкиден, ал эми 6 пайызы сексуалдык зомбулуктан жапа чеккени маалым болгон.

Буга чейин Sputnik Кыргызстандын кабарчысы милициянын иши боюнча жүргүзүлгөн виктимологиялык изилдөөнүн жыйынтыгын анализдеп чыккан. Сурамжылоонун жыйынтыгын инфографикадан караңыздар.

Тема боюнча

Кыргызстандын кайсы шаарында ажырашуулар көп болот? Рейтинг
Белгилер:
үй-бүлө, эркек, аял, Бишкек, кыргызстандыктар

Дагы инфографика

  • Акыркы жаңылоо: 17:55 08.11.2019
    17:55 08.11.2019

    Канчадан? 8-ноябрга карата азык-түлүктүн баасы

    Ар жума сайын Бишкектин базарларындагы жана супермаркеттериндеги азык-түлүктүн баасы менен тааныштырабыз. Бул ирет Бишкек менен Жалал-Абад шаарларынын базарларындагы бааларды салыштырып көрдүк.

    114
  • Акыркы жаңылоо: 17:00 06.11.2019
    17:00 06.11.2019

    Сиз менен бир чөйрөдө канча кыргызстандык иштейт? Инфографика

    Саламаттык сактоо жана социалдык тейлөө тармагында иштегендердин саны мамлекеттик башкаруу багытында эмгектенген адамдардай эле экенин билчү белеңиз? Эмгек структурасындагы ушул жана башка кызыктуу фактылар тууралуу Sputnik даярдаган инфографикадан билүүгө болот.

    189
  • Акыркы жаңылоо: 14:10 04.11.2019
    14:10 04.11.2019

    Усубалиев тууралуу айтылбаган 10 факты

    Турдакун Усубалиевдин жашоосунун айрым фактылары узак мезгилге чейин жашыруун болчу. Жылдар өткөндөн кийин гана колуна калем алып, элдин көбү биле бербеген нерселерди ачыктаган.

    1170
  • Акыркы жаңылоо: 18:00 01.11.2019
    18:00 01.11.2019

    Канчадан: 1-ноябрга карата азык-түлүктүн баасы

    Ар жума сайын Бишкектин базарларындагы жана супермаркеттериндеги азык-түлүктүн баасы менен тааныштырабыз. Бул ирет Бишкек менен Нарын шаарларынын базарларына баам салып көрдүк.

    68

ЭҢ МААНИЛҮҮ