07:45 26 Баш оона 2019
Түз эфир
  • USD69.7882
  • EUR77.2311
  • RUB1.0638
Инфографика

Кыргызстанда кимдер баңгилик менен токсикоманияга берилген. Статистика

Кыскача шилтеме алуу
476 0 0
Кыргызстандагы баңгилик жана токсикомания

Расмий маалыматтарга караганда, баңгизат менен башка каражаттардан көз каранды болгон кыргызстандыктардын санын аныктоочу иликтөөлөр мурдагыга салыштырмалуу кыйла азайган.

Улуттук статистика комитетинин адистери Кыргызстандын канча жараны наркологиялык клиникаларда каттоодо турарын эсептеди.

Ведомство берген маалымат боюнча 2017-жылы баңгиликке берилип, токсикомания менен жабыркаган 269 адам аныкталган. Алардын көбү эркектер. Ал эми аялдар болгону үч пайызды түзөт.

Көпчүлүк учурда психоактивдүү каражаттардан 35-44 жаштагы кыргызстандыктар көз каранды. 2017-жылы бул курактагы аялдар менен эркектер баңгилик жана токсикомания менен жабыркагандардын 36 пайызын түзгөн.

Төрт жыл аралыгында (2013-2017) баңгизат жана башка каражаттардан көз каранды эркектердин саны эки эсеге кыскарган. Ушундай эле көрсөткүч аялдар арасында төрттөн бир бөлүккө кыскарган.

Белгилей кетчү жагдай, статистикалык маалыматтар реалдуу картинаны көрсөтпөйт. Себеби баңгиликке берилгендердин көбү ооруканага кайрылбайт.
Дүйнөдө баңги кооптуулугунун булагы катары Афганистан эсептелет: Sputnik агенттигинин инфографикасында бул коркунучтуу бизнес тууралуу статистикалык маалыматтар топтолгон.

Белгилер:
Баңги, Улуттук статистикалык комитети, статитика

Дагы инфографика

ЭҢ МААНИЛҮҮ