19:44 19 Аяк оона 2021
Түз эфир
  • USD84.7772
  • EUR99.8421
  • RUB1.1684
Окуялар
Кыскача шилтеме алуу
122 0 0

Маалыматка ылайык, тоодогу оор шарттарга байланыштуу жоокердин сөөгү Тажикстандын аймагы аркылуу алынып келинет.

БИШКЕК, 9-июл. — Sputnik. Баткендин кыргыз-тажик чек арасында тажик аскерлеринин огунан каза болгон кыргызстандык сержант Хуснидин Хожиевдин сөөгү Кыргызстанга бүгүн, 9-июлда, алып келинет. Бул тууралуу УКМКнын Чек ара кызматы билдирди.

Маалыматка ылайык, тоодогу оор шарттарга байланыштуу жоокердин сөөгү Тажикстандын аймагы аркылуу алынып келинет.

УКМКнын Чек ара кызматынын коомчулук менен байланыш бөлүмү билдиргендей, бүгүн, 9-июлда, саат 18:00гө карата Баткен облусунун кыргыз-тажик чек арасындагы абал туруктуу деп сыпатталууда.

Аскер кызматкери кыргыз-тажик чек арасындагы атышууда каза болгон. Тажик тарап Кыргызстандын бир жоокерин кармап кеткен. Учурда аны кайтарып алуу боюнча эки тараптын Чек ара кызматынын өкүлдөрү сүйлөшүүлөрдү жүргүзүүдө.

Күч түзүмдөрүнүн мамлекеттик чек арадагы аракеттерин көзөмөлгө алуу үчүн УКМКнын Чек ара кызматынын директорунун биринчи орун басары, Башкы штабдын начальниги Курсанбек Бекташов Баткен облусуна учуп кетти.

Тема боюнча

Чек ара кызматы: кыргыз-тажик чек арасында кайрадан атышуу болду
Белгилер:
УКМК, Мамлекеттик чек ара кызматы, Баткен, кыргыз-тажик чек арасы, атышуу, өлүм, Аскер

ЭҢ МААНИЛҮҮ