13:37 20 Аяк оона 2021
Түз эфир
  • USD84.7772
  • EUR99.8421
  • RUB1.1684
Окуялар
Кыскача шилтеме алуу
187 0 0

Аткаминерден ири суммада акча алган жаран аны ээлеген кызматында калтырып, ордун бекемдеп берүүнү убадалаган.

БИШКЕК, 5-июн. — Sputnik. Президент Садыр Жапаровдун жакын тууганымын деп ири суммада акча алып, кызмат маселесин чечүүгө убада берип жүргөн алдамчы кармалды. Бул тууралуу УКМКнын маалымат кызматы кабарлады. 

Задержан подозреваемый в мошенничестве, прикрывавшийся связями с родственником президента Садыра Жапаров
© Фото / пресс-служба ГКНБ КР
Шектүү

Билдирүүгө ылайык, өзүн Ш.Н.Р. деп тааныштырган жаран алдамчылык жол менен Каракол шаарындагы мамлекеттик мекеменин К.Т.С. аттуу жетекчисинен 5000 доллар жана 45 миң сом алган. Ал үчүн аткаминерди ээлеген кызматында калтырып, ордун бекемдеп берүүнү убадалаган.

Аталган факт боюнча 204-берене ("Ири өлчөмдөгү алдамчылык") менен кылмыш иши козголгон.

Шектүү 4-июнда колго түшүп, Каракол шаардык милиция бөлүмүнүн убактылуу кармоо жайына киргизилди. Азыркы тапта бул ишке тиешеси бар башка адамдарды аныктоо боюнча ыкчам-тергөө жүрүп жатат.

УКМК мамлекеттик жогорку кызматтагылардын атын жамынып кылмыштуу иштерге баргандарга карата катаал чара колдонуларын эскертет.

Ушул сыяктуу алдамчылыкка кабылгандар болсо атайын кызматтын нөөмөт бөлүмүнө чалуу сунушталат. Телефон номерлери: 0312-62-05-85, 0312-66-04-75.

Тема боюнча

1,2 млн. доллар алмак. Садыр Жапаровдун агасынын атын саткандар кармалды
Инандыны таап берем деп 50 миң доллар, автоунаа алган шектүү кармалды
Белгилер:
УКМК, алдамчылык, кармоо, президент, аткаминер, Каракол

ЭҢ МААНИЛҮҮ