Чек ара: интернетте кыргызстандыктардын үйлөрү түрттүрүлүп жаткан видео тарады

© Фото / пресс служба "Кыргыз алтын"Бульдозер имаратты бузуу учурунда. Архив
Бульдозер имаратты бузуу учурунда. Архив - Sputnik Кыргызстан, 1920, 30.04.2021
Жазылуу
Бул кадрлар Лейлек районунун Жаңы-Жер айыл өкмөтүнө караштуу Борбордук айылында тартылганы айтылууда.
БИШКЕК, 30-апр. — Sputnik. Баткендеги кыргыз-тажик жаңжалы болуп жаткан аймагында тажик жарандары кыргызстандыктардын турак жайын жүктөөчү машина (погрузчик) менен түрттүрүп жаткан видео интернетке тарады.
Кадрлар Лейлек районунун Жаңы-Жер айыл өкмөтүндөгү Борбордук айылында тартылганы айтылууда.
Видеодогу адамдар тажик тилинде сүйлөшүп, тегеректеги үйлөрдүн кайсынысы кыргызстандыктарга тиешелүү экенин айтып жатканын угууга болот.
Мындай окуялар бүгүн Борбордук жана Арка айылдарында болгонун өкмөттүн облустагы өкүлчүлүгүнөн билдиришти.

Баткендеги чек ара чыры

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирин көздөй ок атып, алгач бир, анан экөө, акыркы маалымат боюнча 13 кыргызстандык каза болду. Алардын арасында 13 жашар кыз бар экени айтылган. Жабыркаган 121 адамдын 25и Баткенден Бишкекке атайын борт менен алып келинип, ооруканаларда дарыланып жатышат.
Чек арадагы кыргыз номерлүү талкаланган автоунаалар - Sputnik Кыргызстан, 1920, 30.04.2021
Кыргыз номерлүү талкаланган автоунаалар. Чек арада тартылган сүрөттөр
Кыргызстан менен Тажикстандын ортосунда бардык деңгээлде сүйлөшүүлөр жүрүп, тараптар бир пикирге келүүдө.
Бүгүн УКМК төрагасы Камчыбек Ташиев Тажикстандын атайын кызматынын жетекчиси Саймумин Ятимов менен сүйлөшүп, абал бүгүн кечке чейин жөнгө салынарын айтты.
Учурда аймакта кырдаал кандай болуп жатканын Sputnik Кыргызстан агенттигинин тексттик трансляциясынан көрө аласыздар.
Жаңылыктар түрмөгү
0