УКМК: Оштогу аскердик бөлүктө теракт жасоону пландаган киши кармалды. Сүрөт

© Sputnik / Александр Кряжев / Медиабанкка өтүүАскердик бөлүм. Архив
Аскердик бөлүм. Архив - Sputnik Кыргызстан
Жазылуу
Кармалган адам террордук эл аралык уюмдун мүчөсү болгон. Ал башчысынын көрсөтмөсү менен облустун аймагындагы аскердик бөлүктөрдүн биринде террордук акт кылуу үчүн колго жасалган жарылуучу зат даярдоону пландаган.
БИШКЕК, 2-янв. — Sputnik. 31-декабрда Улуттук коопсуздук боюнча мамлекеттик комитет Кыргызстандын аймагында пландалган терактынын алдын алды. Бул туурасында аталган ведомстводон кабарлашты.
Иш-чара коңшу мамлекеттердин биринин атайын кызматтары менен биргеликте жүргүзгөн иштин натыйжасында болгондугу айтылды.
Бул окуяга байланыштуу Ош облусунун аймагында кыргызстандык жаран кармалган.
© Фото / пресс-служба ГКНБ КРБул окуяга байланыштуу Ош облусунун аймагында кыргызстаныдк жаран кармалган
Предотвращение теракта в войсковой части Ошской области - Sputnik Кыргызстан
Бул окуяга байланыштуу Ош облусунун аймагында кыргызстаныдк жаран кармалган
"Такталгандай, кармалган адам эл аралык террордук уюмдун (ЭТУ) мүчөсү болгон. Башчысынын көрсөтмөсү менен облустун аймагында аскердик бөлүктөрдүн биринде террордук акт жасоо үчүн колго жасалган жарылуучу зат даярдамак болгон", — деп айтылган маалыматта.
Кишенчен кишилер. Архив - Sputnik Кыргызстан
Абактан качып Кыргызстанда теракт жасоого камынган чет элдиктер кармалды
Кармалган адамдын жашаган жерине жүргүзүлгөн тинтүү учурунда камуфляж формасынын комплектиси, жилет, аскердик бут кийим, дүрбү, бүктөлүүчү бычак жана чет тилдеги баракчалар табылган.
Ал УКМКнын Башкы башкармалыгынын Ош шаардык жана облустук тергөө камак жайынын убактылуу кармоочу жайына киргизилген.
Азыркы учурда тиешелүү тергөө-ыкчам иш-чаралары уланып жатат.
Жаңылыктар түрмөгү
0