Бишкектик аялдын эки бөлмөлүү батиринен беш тонна таштанды чыкты. Видео

© Sputnik / Ирина Геращенко / Медиабанкка өтүүТурак жайдагы батирде таштандылар. Архив
Турак жайдагы батирде таштандылар. Архив - Sputnik Кыргызстан
Жазылуу
"Тазалык" ишканасынын кызматкерлери айтылган жерге барып, батирдин ичи таштандыга толуп калганын көрүшкөн. Ал жакта ажаткана жок болгондуктан аял үйүн ажаткана катары колдоно берген.

БИШКЕК, 23-окт. — Sputnik. Бишкек шаарынын тургуну Токтоналиев көчөсүндө жайгашкан эки бөлмөлүү үйүн таштандыга толтуруп салган. Бул тууралуу мэриянын маалымат кызматы кабарлады.

Билдирмеге ылайык, эки бөлмөгө болжол менен беш тонна таштанды үйүлүп калган.

"Шаар тургундары коңшусуна нааразы болуп мэрияга кайрылып, анын үйүнөн чыккан жагымсыз жыт башка батирлер менен подъездге чейин жетип жатканын айтышкан. Антисанитариядан улам таракан, курт-кумурскалар көбөйүп кеткен. Ал эми кошуна аял эшигин ачпай, эч ким менен сүйлөшпөй койгон", — деп жазылган билдирмеде.

Маалым болгондой, "Тазалык" ишканасынын кызматкерлери айтылган жерге барып, батирдин ичи таштандыга толуп калганын көрүшкөн. Батирде ажаткана жок болгондуктан аял үйүн ажаткана катары колдоно берген.

"Азыр таштандыларды алып чыгып жатышат. Үйдү толугу менен тазалаш үчүн 10 рейс жасаш керек. Жеринде милиция кызматкерлери да иштөөдө", — деп айтылат маалыматта.

Дайверлер Ысык-Көлдүн түбүнөн бир тоннадан ашык таштанды алып чыгышты. Сүрөт

Мэриянын маалымат кызматы билдиргендей, эки жыл мурда ушул эле батирден бир нече тонна таштанды чыгарылган.

Жаңылыктар түрмөгү
0