Капиталдык курулуш башкармалыгынын мурдагы жетекчиси кармалды

© AP Photo / Moises CastilloКармалган киши кишенчен. Архив
Кармалган киши кишенчен. Архив - Sputnik Кыргызстан
Жазылуу
Муниципалдык менчикте турган лифттерди модернизациялоо иштерине 24 миллион сом кетери көрсөтүлгөн. Чындыгында бул баа эки эсе арзан болушу керек. Мындан тышкары, адистер карап чыкканда кеп болуп жаткан лифттер жашоо жана ден соолук үчүн кооптуу экени аныкталды.

БИШКЕК, 18-июн. — Sputnik. Бишкек мэриясынын үч жана коммерциялык мекеменин бир кызматкери лифт оңдоо маалында мамлекеттин кызыкчылыгына каршы иш кылган деп шектелип жатат. Бул тууралуу Экономикалык кылмыштуулукка каршы күрөшүү мамлекеттик кызматынан (Финансы полициясы) билдиришти.

Бишкектеги темир жолу. Архив - Sputnik Кыргызстан
22 млн. зыян келтирген. "Кыргыз темир жолу" ишканасынын мурдагы башчысы кармалды
Кызматынан кыянаттык менен пайдаланган деп шектелип жаткан адамдардын үчөө Бишкек мэриясынын кызматкерлери болгон. Тагыраагы, Капиталдык курулуш башкармалыгынын мурдагы жетекчиси Б.Н., орун басары М.У. жана учурда иштеп жаткан И.А. аттуу кызматкер. Ал эми коммерциялык ишканалардын биринин өкүлү учурда Бишкек милициясынын убактылуу кармоо жайына киргизилди. Мэрия кызматкерлерине карата Биринчи май райондук соту №1 тергөө абагына камакка алуу чечимин чыгарган.

"Муниципалдык менчикте турган лифттерди модернизациялоо иштерине 24 миллион сом кетери көрсөтүлгөн. Чындыгында бул баа эки эсе арзан болушу керек болчу. Мындан тышкары, адистер карап чыкканда кеп болуп жаткан лифттер жашоо жана ден соолук үчүн кооптуу экени аныкталды. Демек, аны орнотууда бир катар эрежелер бузулган", — деп айтылат маалыматта.

Иликтөө иштери уланууда.

Жаңылыктар түрмөгү
0