19:24 27 Бугу 2020
Түз эфир
  • USD73.4900
  • EUR80.5230
  • RUB1.0341
Окуялар
Кыскача шилтеме алуу
846 0 0

Узактыгы 15 секундалык видео жүктөлүп, "Тез жардам кызматы келди. Коронавирус айылда катталган окшойт" деген маалымат айтылган. Ал видео көп убакыт өтпөй башка тайпаларда жайылган.

БИШКЕК, 19-мар. — Sputnik. Нарын районунун колдонуучуларынын "Жерге-Тал айылы" аталышындагы WhatsApp тайпасына аталган жерде коронавирус катталгандыгы боюнча жалган маалымат тарап, башкаларга жайылып кеткен. Бул туурасында Нарын облустук ички иштер башкармалыгынын маалымат кызматынын өкүлү Кундуз Эсенгулова билдирди.

Фейк кабар 2020-жылдын 18-март күнү жөнөтүлгөн.

Узактыгы 15 секундалык видео жүктөлүп, ал "Тез жардам кызматы келди. Коронавирус айылда катталган окшойт" деген маалымат менен коштолгон.

Аталган видео көп убакыт өтпөй башка тайпаларда жайылган.

Нарын облустук ички иштер башкармалыгынын жана Нарын райондук ички иштер бөлүмүнүн кызматкерлери териштирүү жүргүзүп, видеону тараткандарды тапкан. Алар Нарын шаарынын 26 жаштагы тургуну Д.Э. жана Нарын районунун 46 жаштагы жашоочусу К.К. аттуу аял киши болуп чыккан.

"Тергөөнүн алдындагы маалымат боюнча эркек киши видеону башка аялга жөнөткөн. Ал WhatsApp менен таратып жиберген. Учурда бул окуя боюнча териштирүү иштери жүргүзүлүп жатат", — деген Эсенгулова.

Буга чейин эле бүгүн Улуттук коопсуздук мамлекеттик комитети коронавирус тууралуу кооптуу ушак кептерди, фейк маалыматтарды тараткандарга катуу чара көрүлөрүн эскерткен.

Тема боюнча

Бишкек тик учак менен дезинфекцияланат деген маалымат төгүндөлдү
Жазага тартабыз! УКМК жалган маалымат жайылткандарга эскертүү берди
Белгилер:
эскертүү, УКМК, жалган маалымат, коронавирус, Нарын облусу

ЭҢ МААНИЛҮҮ